വാക്കിന്റെ അറ്റത്ത് കുരുക്കിട്ട്
ഒരു വസന്തത്തെ അറുത്തു
മാറ്റുകയായിരുന്നു....
ഒന്നും ഓർത്തില്ല..
ഓടി ഒളിച്ചു..
നീണ്ട പ്രണയകാലം..
നനവേറിയ ചുംബനങ്ങൾ..
തികയാതെ പോയ നേരങ്ങൾ..
ആർക്കുമാർക്കും പിടയാൻ പോലും
നേരം കൊടുത്തില്ല.....
ഒറ്റ കുരുക്ക്.. (Aiswarya.S.Dev)
പ്രണയം വേര് പിടിച്ച അതേ
ഞരമ്പിലായി..
നിലവിളിക്കാൻ പോലും നേരം കിട്ടി കാണില്ല....അതെങ്ങനാ...
ഒന്ന് മുറുകിയപ്പോഴേക്കും
മരിച്ചു പോയില്ലേ....!!

-

H
A
I

-

കാർമേഘ കറുപ്പിലയാൾ ഇന്നലെകളുടെ സുന്ദരമായ നിമിഷങ്ങളിൽ യാത്ര ചെയ്തു...
കരിമഷി കണ്ണുകൾ കാഴ്ചയിൽ കൊളുത്തി വെച്ചയാൾ പ്രണയനിമിഷത്തിൻ വെളിച്ചം ആസ്വദിച്ചിരുന്നു...
കരിവളകൈകളിൽ കവിത കണ്ടയാൾ കറുത്ത മഷിയാൽ കണ്ടതൊക്കെയും കോറിയിട്ടു....
വെള്ളിയിഴ വീഴാതെ വിടരും കാർകൂന്തലഴകിലയാൾ കറുപ്പിനേഴ-ഴകെന്നെഴുതി
കൊണ്ടിരുന്നു...
ഒടുവിലൊരുടൽ കറുപ്പിൽ
കണ്ടനേരം അയിത്തത്തിൻ
നിറമൊന്ന് മാത്രമായ-യാളിൽ
ആ കറുപ്പ് നിറം...
ഉടലിലുണരുമ്പോൾ മാത്രമായാ കറുപ്പിനെന്തൊരു അവർണ്ണത...!

-

മരിച്ചവരുടെ കവിതകൾ വില്പനക്ക്.!

-

നെഞ്ചോട് ചേർത്തു വെക്കുമ്പോൾ
ഒരല്പം സൂക്ഷിക്കാം...!!!!!

-

കുഴീൽ വീണോരെയൊക്കെ,
കൈ പിടിച്ചു മോളിൽ കേറ്റുന്ന
മനുഷ്യൻ ഉണ്ടാർന്നു..
ഇന്ന്..,അയാൾ കുഴീൽ വീണു..
ഇതുവരേം മോളിൽ കേറീട്ടില്ല..!
ആരൊക്കെയോ ഏന്തിവലിഞ്ഞു,
സാരില്ലെന്ന് പറഞ്ഞ് പോയി..
അത്രമാത്രം!

-

"പ്രണയ"മെന്നാൽ
രണ്ടിൽ ഒരാൾ
"പണയ"ത്തിൽ എന്നല്ല..

-

മരണ ശേഷവും
ഓർമ്മിക്കാൻ കൊതിക്കുന്ന
മനുഷ്യർക്ക് വേണ്ടിയാവാം,
ഭൂമിയിലെ വാസത്തിന്
ശേഷവും
ആകാശത്തിന്റെ കീറിൽ
ഒരു നക്ഷത്രം
ബാക്കിയാകുന്നത്....

-

ലോകം ഒരാളിൽ ചുരുങ്ങി പോയ മനുഷ്യരുടെ കൂട്ടത്തിൽ ഒരിക്കൽ ഞാനുമുണ്ടായിരുന്നു...
ഒരു കാലത്ത് ആകാശത്തെ മുറിച്ച് മാറ്റി ഞാനും വിഡ്ഢി ആയിട്ടുണ്ടെടോ.!

-

ഇത്ര വലിയൊരു ലോകം, ഒറ്റ മനുഷ്യനിലായി ചുരുക്കി വെച്ചോരോട് ഒന്ന് ചോദിച്ചു കൊള്ളട്ടേ..,
ഒരു കടലിനെയാണ് നിങ്ങൾ ഇടവഴിയിലൂടൊഴുക്കുന്നതെന്ന്, എപ്പോഴെങ്കിലും ഓർത്തിട്ടുണ്ടാകുമോ..!?

-