ಬೆಳಗುವ ಸೂರ್ಯನಿಗೂ ಮುಳುಗುವ ಹಂಬಲವಿದೆ
ತವಕದಿಂದ ದಡಕ್ಕೆ ಅಪ್ಪಳಿಸುವ ಅಲೆಗಳಿಗೂ
ಹಿಂತಿರುಗುವ ಕಾತರವಿದೆ
ನೋವ ಮರೆಸಿ ನಗಿಸುವ ಜೀವಗಳಿಗೂ
ಕಾಣದ ನೋವಿದೆ
ನೀರಿಕ್ಷೆಗಳ ಹೊತ್ತು ಸಾಗುತ್ತಿರುವ
ಈ ಬದುಕಿಗೂ ಕೊನಿಯಿದೆ

-

ಕೆಂಪಚಿಕ್ಕನಹಳ್ಳಿ

ಮೂರು ತಿಂಗಳ ಪಯಣಕ್ಕೆ
ನಾಂದಿಯಾಯಿತು

ಅಪರಿಚಿತರ ನಡುವೆ
ಆತ್ಮೀಯತೆ ಬೆಸೆಯಿತು

ಸಾಗುವ ಬದುಕಿಗೆ ಅಚ್ಚರಿಯ
ಅನುಭವ ತೋರಿತು

ನವ ಸ್ನೇಹದ ಸಿರಿಗೆ ಸಾಕ್ಷಿಯಾಯಿತು...

-

ಮೊದಲ ಬಾರಿ ಮಗು ಅತ್ತಾಗ
ನೋವೆಲ್ಲಾ ಮರೆತು ನಕ್ಕಳು ಅಮ್ಮ..

ಅಂಬೆಗಾಲಿನ ಆನಂದವ
ಆಸ್ವಾದಿಸಿದಳು ಅಮ್ಮ..

ನೋವನ್ನು ಮರೆಸಿ ನಗುವ
ಕಲಿಸುವ ಶಕ್ತಿ ಅಮ್ಮ..

ಬೆಚ್ಚನೆಯ ಅಪ್ಪುಗೆಯಲಿ
ಜಗವನೇ ಮರೆಸುವಳು ಅಮ್ಮ..

ನಿಷ್ಕಲ್ಮಶ ಪ್ರೀತಿಯ ನೀಡುವ
ವಾತ್ಸಲ್ಯಮಯಿ ಅಮ್ಮ..

-

ಬ್ರಿಟಿಷರ ಅಧಿಕಾರ ಅಂತ್ಯದ ಸುದಿನ
ಸಾವಿರಾರು ಬಲಿದಾನದ ಸಂಕೇತ
ಹೋರಾಟಗಾರರ ಕಿಚ್ಚಿನ ಪ್ರತಿಕಾರ
ಭಾರತೀಯರ ಏಕತೆಯ ಸಂಭ್ರಮ
ತಿರಂಗ ಬಾನಿನಲ್ಲಿ ಹಾರಾಡಿದ ಕ್ಷಣ
ಸ್ವಾತಂತ್ರ್ಯ..

-

ಹರಿವ ನೀರಿನ ಜಾಗ ಬೇರೆಯಾದರು
ಸೇರುವ ಸಂಗಮ ಒಂದೆ ಅಲ್ಲವೇ

ಮನುಷ್ಯರ ಜಾತಿ ಧರ್ಮ ಬೇರೆಯಾದರು
ಹರಿವ ರಕ್ತ ಒಂದೇ ಅಲ್ಲವೇ

ಮೇಲು ಕೀಳು ಎಂಬ ಪ್ರಶಸ್ತಿಕೆಗಳಿದ್ದರು
ಎಲ್ಲರೂ ಮನುಷ್ಯರಲ್ಲವೇ..

-

ಸಾಧನೆಯ
ಶಿಖರವನ್ನೆರಲು
ಆತ್ಮಸ್ಥೈರ್ಯವೇ
ಮೆಟ್ಟಿಲುಗಳು..

-

ಕಡಲ ಮೌನವೂ ಮಾಧುರ್ಯವಾಗಿದೆ..
ಮರುಭೂಮಿಯಲ್ಲೂ ನೀರಿನ ಚಿಲುಮೆಯಾಗಿದೆ..
ಕಾಲ್ಗೆಜ್ಜೆಯ ಸದ್ದು ಸವಿಗಾನವಾಗಿದೆ..
ಒಲವಿನ ಧ್ವನಿಯು ಗೋಚರವಾಗಿದೆ..

-

ಮೈಲುಗಲ್ಲಿನ ಪಯಣಕ್ಕೆ ತಿರುವು ಸಿಕ್ಕಂತೆ..
ಅನುಭವಗಳ ಸಾರ ಬದುಕನ್ನು ಆವರಿಸಿದಂತೆ..
ಅವಲಂಬನೆ ಬಳಹೀನತೆಯನ್ನು ಅರ್ಥ್ಯಸಿದಂತೆ..
ಸಮಯವೇ ಎಲ್ಲದಕ್ಕೂ ಉತ್ತರ ನೀಡಿದಂತೆ..

-

ಹುಟ್ಟು ಸಾವು ಎರಡು
ನಿನ್ನ ಮುಷ್ಟಿಯಲ್ಲಿರುವಾಗ
ಕೇವಲ ಕ್ಷಣಿಕದ ಪಾತ್ರ ನಮ್ಮದಾಗಿದೆ..

ಎಲ್ಲವೂ ನಿನ್ನ ಇಚ್ಚೆಯಂತೆ
ನಡೆಯುತ್ತಿರುವಾಗ
ತಾಳಕ್ಕೆ ತಕ್ಕಂತೆ ಕುಣಿಯುವವರು ನಾವಾಗಿದ್ದೇವೆ..

-

ಬೆಟ್ಟ ಹಲಸೂರು

ಸೇವೆಯ ಮಾಡಲು ಹೋದೆವು ಅಲ್ಲಿ
ಬೆಳೆಯಿತು ಒಡನಾಟ ನಮ್ಮಲ್ಲಿ

ಮಾದರಿಯ ಗ್ರಾಮಕ್ಕೆ ಹೆಸರಾಯಿತು
ನಮ್ಮೆಲ್ಲ ನೆನಪುಗಳಿಗೆ ಉಸಿರಾಯಿತು..

-