Ek ajeeb safar raha tha mera,
Sab kuch pane ki raah me
Khudko bhula baithi thi.
Dosti or dushmani ko bhi maine
Andekha sa kar diya tha.
Abh jab mur ke dekha,
Toh na dost the na dushman.
Kuch arsa laga yeh samajhne me,
Ke maine khudko hi kho diya tha.
Or abh jab me badal gayi hu,
Toh kuch bhi anmol na raha.
Sochti hu toh hasi aati ha khudpe,
Apna gurur bhi toh me tor ayi hu!
Ek ajeeb safar ha mera,
Khudko paane ki raah me,
Sab kuch luta baithi hu.
-