Koi dard unko bhi satata hoga,
Kuch dard humko bhi satata hai.
Kaise kehde unse ke koi wasta nahi hamara..
Na chahke bhi, humdardi ka naata hai..

-

Kabhi hoti thi mujhe bhi weekends ki intezaar..
Tujhse milne ko rehta tha jo main bekaraar.
Tere sath baate karen, hasne, khane ki karta tha hardum intezaar.
Shayad wo the kuch aur hi din..
Abto lagta hai jeewan hi hai bekar...na koi umeed na koi aas...bas ek race hai jo daude jare hai...ek zindagi ki formality hai jo poori kiye jare hai..
Kabhi aygi shayad fir wo shaam to yaad kerke ji lenge wo ghadi..
Tabtak main hu wahi..jahan tum ab nahi.

-

Galti to kisiki bhi nahi..
Kusoor bas mere mohabbat ka hai..

Jo waqt badal diye..halaat badal diye..par jazbaat na badal paye.

-

Kuch Zamane ki meharbani..
Kuch apno ke sitam..

Firbhi dunya poochti rahi..
Kahan se late ho itna gham.

-

Aati rahi uski yaade..
Aur rote rahe hum..

Bahut si thi baate..
Jo sochte rahe hum..

Par jab socha unke chorne ki wajah..
To haste rahe hum..

Dil to hai dil..
Jo todte rahe wo...har baar..har kadam.. haan wahi - mere sanam.

-

Jo hote wo shayar to maan bhi leta..
Dil toote ashiq to kuch bhi likhte hai.

-

Kalki fikar me wo aaj gawaata chala...
Daulat ke peeche waqt bitata chala..

Apno ko paane ki chahat me..
Gairo se rishte banata chala..

Raat ho ya subah..
Din ho ya shaam..

Apni pehchaan..
Wo khud hi mitata chala..

Ek din to jaana hi hai is dunya se..
Ye sochke wo apni astitva.. khud hi mitata chala.

Kalki fikar me wo aaj gawaata chala.

-

Aaj fir tune mehsoos karwaya ki main akela hu...
Aaj fir meri tanhayi ne bataya..ke main akela nahi..

-

Jalte rahe bujhte rahe..
Har haal me wo mujhse ulajhte rahe...

Jab akhri waqt hui jane ki..
Wo aankhe bandh kiye haste rahe..

Ek pal me akela chod gaye..
Jo kal tak mujhse har choti cheez ke liye ladte rahe.

-

Andhera...sunnata..or bechain dil.
Kalki parwah aur sabki berukhi..itna sab to hai mere paas. Fir pata nahi sukoon aur neend kyun talaash raha hu main..

Anjaan raste..be noor chehre..aur hasrate hazaar..ye bhi to hai mere paas. Fir pata nahi sahi raah aur apno se chehre kyun talaash raha hu main..

-