SAWAL (Vol-1)
Iss soch se heraan sab,
Azaad yeh insaan kab,
Paabandi lagaayi khudpe, yeh jung hum jeet lenge kya,
Aage aaanewale waqt me isse itihaasme padhenge kya,
Hatyaare pakde dhool ab iski zaroorat hogi kya,
Jab goliyaan rahe hazaron, unmese koi sahi dawa hogi kya,
Iss soch se heraan sab,
Azaad yeh insaan kab,
Bhaagti hui zindagi me sara sheher raha stabdh,
Jaanwar heraan, unka purana ghar kyun nishabdh,
Ghar ki dehleez jo lakshman rekha bana hai,
Theek 9 baje vaanar sena ko ab lanka paar karaana hai,
Inn sabke beech me ek sawal utraha hai,
Insaan ka kya kasaoor ki sirf woh bhugat raha hai?
Iss soch se heraan sab,
Azaad yeh insaan kab,
Ummeed pe duniya kayam hoga, Hosale toh buland hogi,
Kunkhaar jaanwar ko humne nahi baksha, yeh mahamaari kya baat hogi,
Phir bhi, Iss soch se heraan sab,
Azaad yeh insaan kab......
-