ಅಭಿಸಾರಿಕೆ   (ಅಭಿಸಾರಿಕೆ)
1.3k Followers · 51 Following

read more
Joined 21 July 2018


read more
Joined 21 July 2018

ಸಖ, ನೀ ನನ್ನ ನಾ ನಿನ್ನ ನೆನೆದದ್ದು ಸಾಕಿನ್ನು
ಕಿರು ಬೆರಳ್ಬೆಸೆದು ಜೊತೆ ನಡೆವ ಇನ್ನಾದರು.,
ಬಿದಿಗೆ ಚಂದಮನೆದೆ ತಬ್ಬಿ ನಿಲ್ಲುವ ಬಾರೋ
ಒಲವರಾಗ ಕಲಿಯಲಿ ಶಿಶಿರ ಹೀಗಾದರು.!
ತಾಯಗಲಿದ ಕೂಸಂತೆ ನರಳುವುದೀ ಹೃದಯ
ನಿನ್ನೊಲವ ಉಣಿಸಿ ಸಾವರಿಸು ಹೇಗಾದರೂ.!

-


69 likes · 33 comments

ಕರಾಳ ಕಾಳಸಂತೆಯಲ್ಲಿ ಎಲ್ಲವೂ ಕಳಪೆ
ಬೆರಕೆ ಭಾವನೆಗಳಿಗಿಲ್ಲಿ ಶುದ್ಧ ಮುಖಪಟ್ಟಿ
ಕನಸುಗಳು ಕಲಬೆರಕೆಯಾಗಿವೆ ಕೊಳ್ಳದಿರಿ,
ಅಮೃತದ ಸಿಹಿಸ್ವಾದ ಉಣಿಸುವ ವಿಷವಿದೆ
ಮೈಯಲ್ಲ ಮನಸುಗಳು ಹರಾಜಿಗೆ ಬಿದ್ದಿವೆ.,
ಕೊಡುಕೊಳ್ಳುವ ವ್ಯಾಪಾರ ಬಲು ಜೋರಿದೆ
ಲೆಕ್ಕಾಚಾರದ ಲೋಕವಿದು ಯಾಮಾರದಿರಿ.!

-


78 likes · 29 comments · 1 share

ಕಳೆದ ಕೊಳಲ ತಡಕುತಿರುವೆ
ಹುಡುಕಿಕೊಡೊ ಮೋಹನ.,
ಬಳಲಿದೆದೆಯು ಅಳುಕುತಿದೆ
ಒಲವ ಮಳೆಯನೀಯೆಯ..
ಹೆಪ್ಪುಗಟ್ಟಿದೆನ್ನ ರಕುತನಾಲೆ
ಸಖ ಹರಿವ ವರವ ನೀಡೆಯ
ಉಕ್ಕಿ-ಬಿಕ್ಕುವೀ ವಿರಹ ದುಃಖ
ವಿಭು ಶೋಕ ದೂರವಿರಿಸೆಯ.!
ಮುದುಡಿ ಮುರುಟಿತೆನ್ನ ಹೃದಯ
ಮುರಳಿ ಜೀವಸುಧೆ ಹರಿಸೆಯ.!

-


80 likes · 20 comments · 2 shares

ಅಲ್ಲೆಲ್ಲೋ ಅಂತಿಮ ಶವಯಾತ್ರೆ
ಕಾರಿರುಳಲಿ ಹೊತ್ತುರಿಯುವ ಚಿತೆ
ಅಂತ್ಯದ ಅಳಲ ನಡು ನಡುವೆಯೇ
ಅಸ್ಥಿಯಿಂದ ಹೊರಬಿದ್ದ ಜೀವಾತ್ಮ
ಹೊಸದು ಬದುಕಿಗೆ ಭವವ ಹುಡುಕಿ
ದಿಗಂತದಾಚೆ ಧಾವಿಸುವ ಧೈನ್ಯದಿ
ನಿಶ್ಯಬ್ಧದಿ ಜನಿಸಿತಿದೋ 'ನನ್ನ ಕವಿತೆ'

-


117 likes · 32 comments · 3 shares

ಬೇರೆವ್ರ್ ತಪ್ನ ಬೆಳ್ ಮಾಡಿ ತೋರ್ಸೋರು
ಅವ್ರ್ ತಪ್ ಹೇಳ್ರೆ ಮುಖ ತಿರಿಸ್ಕ ಹೋಗ್ತಾರೆ
ಎಂಟಾಣಿ ಈ ಜೀವ್ನಕ್ಕೆ ನಾಲ್ಕಾಣಿ ದವಲತ್ನ
ಅಟ್ಟಕ್ಕೇರಿಸಿ ದರ್ಬಾರ್ ಮಾಡಕ್ ಬಿಡ್ತಾರೆ
ಯಮಪ್ಪನ ಮೋಟಾರು ಮನೆ ಎದ್ರಿದ್ದಾಗ
ಪಡೆದಿದ್ದು ಕಳೆದಿದ್ದು ಲೆಕ್ಕ ಹಾಕ ಕೂರ್ತಾರೆ
ಬಚ್ಚಿಟ್ಟಿದ್ ನಿಧಿ ಜೋಪಾನ ಇದ್ಯಾ ನೋಡಿ
ಭದ್ರ ಮಾಡಿ ಸಂಧೀಲಿ ಕೀಲಿ ಅಡಗಿಸ್ತಾರೆ
ಲೆಕ್ಕ ಬರಿಯೋ ಚಿತ್ರಣ್ಣಂಗೂ ಲಂಚ ಇಟ್ಟು
ಸ್ವಲ್ಪ ಹೆಚ್ಚುಕಮ್ಮಿ ಅಂತ ಚೌಕಾಸಿಗಿಳೀತಾರೆ
ಇನ್ನೇನ್ ಷರಾ ಬರಿಬೇಕು ಆ ಕಡೇ ಹೊತ್ತಲ್ಲಿ
ಇದ್ಬದ್ದವ್ರ್ ಎಲ್ರನ ಒಟ್ಗೆ ನೆನ್ಸ್ಕಂಡ್ ಮಾಗ್ತಾರೆ
ತಂದಿದ್ದು ಎಂತಿಲ್ಲ ತಾಂಡೋಗೋಕು ಏನಿಲ್ಲ
ಸಂತಿ ಸುತ್ತಕ್ ಬಂದ ನಾಯಿ ಹಂಗೆ ಅಲೀತಾರೆ
ಯಮ ಹೊಡ್ಕ ಬಂದ ಕೋಣನ ಬಾಲ ಹಿಡ್ಕಂಡ್
ಬಾಡಿಗೆ ಭೂಮಿನ ಖಾಲಿ ಮಾಡ್ಕಂಡ್ ಹೋಗ್ತಾರೆ

-


88 likes · 30 comments

ಮಹಲ್ಲಿನ ಮೋಹವಿಲ್ಲ ಹುಡುಗ
ಹುಲ್ಲು ಜೋಪಡಿಯಿರಲಿ ಸಾಕು.!
ಸಣ್ಣಕ್ಕಿಯ ಸಿಹಿಯುಣಿಸೆಂದು ಕೇಳೆನು
ನೀನಿಟ್ಟ ನುಚ್ಚಕ್ಕಿಯ ತುತ್ತೆನಗೆ ಸಾಕು.,
ಹಾಸಿ ಹೊದಿಯಲು ನಿನ್ನೊಲವಿರಲು
ಹಂಗಿನಾಚೆಯ ಬಾಳ್ವೆ ನಮದಾಗಲು.,
ಸಿರಿತನ ಬದುಕಿನಿಂದಾಚೆ ಉಳಿಯಲಿ,
ಸಿರಿಪ್ರೇಮಕೆಂದು ಬಡತನ ಬಾರದಿರಲಿ.!

-


112 likes · 35 comments

ಆತ್ಮ ನೀನು
ದೇಹ ನಾನು
ಒಂದಾಗಬೇಕು
ಒಲವೇ ಉಸಿರಾಗಬೇಕು
ನನಗೂ.,
ನನ್ನೊಳಗಿರುವ
ನಿನಗೂ..!

-


89 likes · 21 comments

ನಂದ ನಂದನ ನನ್ನ ಮನದನ್ನ
ಮುಗುದ ಮೊಗದ ಮುಕುಂದ
ನವನೀತ ಚೋರ ಚಿತ್ತಸ್ಥಿತನೇ
ಬಿದಿರ ಬೊಂಬಲ್ಲಿ ರಾಗಸುಧೆಯ
ಹರಿಬಿಟ್ಟ ಮುರಳಿಮನೋಹರ
ಕಪಟಿಗಳ ಶ್ವಾಸ ಕಂಟಕ ಕುಣಿಕೆ
ಕಂಸಾರಿ ಅಸುರಾರಿ ನೀ ಮುರಾರಿ
ಸಾತ್ವಿಕರ ಸಖನೇ ಪಾರ್ಥಸಾರಥಿ
ಧರ್ಮ-ಕರ್ಮ ಮೋಕ್ಷದ ರೂವಾರಿ
ಪ್ರೇಮದಲೆಯ ಸಂಚಯ ಸಾಗರ
ರಾಧೆಯೊಲವ ನವಿಲಗರಿ ಶ್ರೀಹರಿ
ಎನ್ನಾತ್ಮ ಸಂಚಾರಿ ಕುಂಜವಿಹಾರಿ
ನಿನ್ನ ಪಾದ ಸೇರ್ವುದೆನ್ನ ನಿಶ್ಚಲಗುರಿ

-


92 likes · 24 comments

ಮಧುಬಟ್ಟಲ ಇತ್ತ ಹಿಡಿಯೆಂದರೆ
ನಿನ್ನತ್ತ ಸೆಳೆದೆನ್ನ ಕಣ್ಣೊಳಗೆ ಕಣ್ಣಿತ್ತು
ಪಾನಬಟ್ಟಲು ತುಂಬಿದೆಯಲ್ಲ ಸಾಕಿ,
ನಿನ್ನ ಬಟ್ಟಲುಗಣ್ಣಲಿದೆ ನನ್ನ ಶರಾಬು
ಎಂದು ಮತ್ತಿನಿಂದರುಹಿದರೆ ಗಾಲೀಬ್.!
ನಿನ್ನ ನಾ ಕುಡುಕನೆನಲೆ.! ಕವಿಯೆನಲೆ.!

-


88 likes · 20 comments

ಪಾಪಾತ್ಮನೊಬ್ಬ ಮೋಹವ ಪ್ರೀತಿಯೆಂದ
ಕಣ್ಮುಚ್ಚುವ ಕಾಮವನು ಪ್ರೇಮವೆಂದ.,
ಅಪ್ಪಟ ಪ್ರೇಮಿಯೊಬ್ಬನ ಸುಟ್ಟುಕೊಂದ
ಅವಳ ಗೋರಿಯನು ಪ್ರೇಮಮಹಲೆಂದ
ಮುಗ್ಧ ಕುರುಡರಿಗೆ ಅಮರಪ್ರೇಮಿಯಾದ.!

ಪರಮಾತ್ಮನೊಬ್ಬ ಧ್ಯಾನವ ಪ್ರೀತಿಯೆಂದ
ಕಣ್ತೆರೆಸುವ ಅನುಭಾವವ ಪ್ರೇಮವೆಂದ.,
ತನ್ನನರಸಿದವರಿಗೆ ಪ್ರೇಮಧಾರೆಯನೆರೆದ
ಪರಿಶುದ್ಧ ಆತ್ಮವದುವೆ ಒಲವಸೌಧವೆಂದ
ಶುದ್ಧಕೆಟುಕರ ಬಾಯಲ್ಲಿ ಸ್ತ್ರೀಲೋಲನಾದ.!

-


108 likes · 27 comments

Fetching ಅಭಿಸಾರಿಕೆ Quotes

YQ_Launcher Write your own quotes on YourQuote app
Open App