खूप आत आत जावं लागतं नं
जंगलात...
तेव्हा सापडतं काहीतरी माझं माझ्यातलं....
एखादी वृक्षाला बिलगलेली वेल...
एखाद्या पक्ष्याचं जिवंत घरटं....
कुठूनतरी कानी पडणारा सादाला प्रतिसाद
दूरवर एखादं आपलं स्वस्थपण
सांभाळून पहुडलेलं तळं... त्या तळ्यात डोकावणारी झाडाची फांदी...
वृक्षराजीने सजलेला अंधार....आणि त्यात कुठूनतरी पडणारा
सूर्याचा एक तिरपा किरण.....
शोधावं तितकं सापडत जाईल...
एखादी अंधारी गुहाही दिसेल...जिथे कदाचित कुणी नसेल....
ती शांतता,स्तब्धता,किर्रता आणि हिरव्याकंच वृक्षराजीचा
गहिरा दाट परिमळ..
सारं माझ्यात एकजिनसी होत जातं...
माझ्यातलं जंगल आता हळूहळू माझ्याशी बोलायला लागतं...
आर्या-
Researcher by 'profession' and Reader, Writer by 'passion'.
Editor on Marathi wikipedia.