എനിക്ക് എന്തോ വല്ലാത്ത ക്ഷീണം പോലെ.. ഒന്നു കിടന്നാലോ??
ഹ്ം.. അങ്ങനെ പറഞ്ഞ് ഇരിക്കാൻ സ്വന്തം വീട്ടിൽ അല്ലാലോ ;അവൾ സ്വയം പറഞ്ഞു.
എന്തു പറ്റിയെന്ന് ചോദിക്കാൻ ആരുമില്ല.
ഇത്ര കാലം കൂടെ ഉണ്ടായിട്ടും
കണ്ണും മുഖവും ഒന്നു മാറിയാലും
മനസ്സിലായിട്ടും കാണാതെ പോകുന്ന പലരും...
എന്തു പറ്റി നിനക്ക് എന്ന്
ചോദിച്ച് ആരെങ്കിലും ഒന്ന് ചേർത്തു പിടിച്ചെങ്കിൽ എന്ന് പലപ്പോഴും ആഗ്രഹിക്കും...
ഫോണിലെ ഓരോ വീഡിയോസും കാണുമ്പോ ഇടക്ക് കരഞ്ഞ് പോകും;
അതിനൊക്കെ ഒരു ഭാഗ്യം വേണമെന്ന് ആലോചിച്ച് ഒരു നെടുവീർപ്പോടെ
നെറ്റിയിൽ ബാം പുരട്ടി
അടുത്ത പണിയിലേക്ക് അവൾ നീങ്ങി..

-

അമ്മേ...
ഫോണിലെ അവൻ്റെ ഫോട്ടോ
നോക്കിക്കൊണ്ടു അവൾ അമ്മയെ തട്ടി വിളിച്ചു..

പാതി ഉറക്കത്തിൽ നിന്നുണർന്നു
കൊണ്ട് അമ്മ ചോദിച്ചു; "മ്മ് എന്താ?"

"അവൻ എന്താ എപ്പോഴും
എന്നെ മന്ദബുദ്ധിയെന്നു വിളിച്ച് കളിയാക്കുന്നേ..
അമ്മക്കു തോന്നിയിട്ടുണ്ടോ എനിക്ക് ബോധമില്ലെന്ന്?; എപ്പോൾ നോക്കിയാലും എന്നെ ബോധമില്ലാത്തവൾ എന്ന് പറയുന്നു..
അവനു മടുത്തെന്ന് ബോധമില്ലാത്ത
എന്നോട് സംസാരിച്ചിട്ടു." അവൾ കണ്ണു തുടച്ചുകൊണ്ട് പറഞ്ഞു..

അതു കേട്ട് അമ്മ പറഞ്ഞു:,എന്താ പിന്നെയും
തുടങ്ങിയോ രണ്ടുപേരും?

"ഇല്ലമ്മേ...!"

'പിന്നെന്താ;അതവൻ തമാശക്ക് പറയുന്നതാകും നീ അത് ആലോചിച്ചു കരയാൻ നിക്കണ്ട; നിന്നെ നിനക്കു അറിയാം, പിന്നെ
നീ എന്തിന് കരയാൻ അത് ആലോചിച്ചു നിക്കുന്നേ..?'

"നീ പോയി കിടന്നു ഉറങ്ങ് പെണ്ണേ...!" തിരിഞ്ഞു കിടന്നുകൊണ്ട് അമ്മ പറഞ്ഞു;

കരഞ്ഞു കലങ്ങിയ കണ്ണുകളുമായി
അവൾ അവൻ്റെ ഫോട്ടോ
നോക്കിക്കിടക്കുകയായിരുന്നു അപ്പോഴും...

-

ഇരുട്ടിലെ
മെഴുകുതിരി-
യുടെ വെളിച്ചത്തിൽ
തിളങ്ങുന്ന പുസ്തക-
ത്താളിലെ മഷിപേന-
യ്ക്കെന്തോ ഒരുപാടു വരികൾ കുത്തിക്കുറിക്കാനുണ്ടെന്ന്...

-

ആരൊക്കെയോ പറയുന്നുണ്ട്ല്ലോ
അവൾക്കു ഭ്രാന്തായെന്ന്...
നീയും കേട്ടോ അത്..?
എന്നെയെന്തിനാ ഇങ്ങനെ
ചങ്ങലയിൽ ഇട്ടിരിക്കുന്നേ....
നിൻ്റെ സ്നേഹം എന്നെ വലിഞ്ഞു
മുറുകിയതുപോലെ ഈ ചങ്ങലകൾ
എന്നെ സ്നേഹിക്കുന്നുണ്ട്ട്ടോ..
പേടിക്കണ്ട കൂട്ടിനു മ്മ്‌ടെ ചിക്കു ഉണ്ട്..
നീ എപ്പോഴാ ഇനി വരുന്നേ
എന്നെ കൊണ്ടു പോകാൻ..
കാത്തിരിക്ക്യാ ഞാൻ..
വേഗം വരണംട്ടോ...

-

എടാ..
മുൻപത്തെ ഞാനല്ല ഇപ്പോൾ
എന്നു പലരും പറഞ്ഞു..
ശരിയാണോ?
അതേ.. നീ ഒരുപാട് മാറിപ്പോയിരിക്കുന്നു..
മ്ം മാറിയതല്ല....മാറ്റിയതാണ്
പലരുടെയും കടന്നുവരവിലൂടെ...
കൂടെ കൂട്ടി ചേർത്തു പിടിച്ചു കൊണ്ട്
നടന്നപ്പോൾ അറിഞ്ഞില്ല അതൊരു ചങ്ങലയുടെ
ലോകത്തേക്കാണെന്ന്..
നിൻ്റെ ഓരോ അവഗണനയും ഒഴിവാക്കലുകളാണെ-
ന്നറിഞ്ഞിട്ടും പോകാത്തത് പറ്റാത്തതുകൊണ്ടാണ്...
മറക്കുവാൻ സാധിക്കില്ലെന്ന് അറിഞ്ഞുകൊണ്ടാണ്.
ശൂന്യതയാർന്ന ജീവിതം
ആസ്വദിക്കുകയാണ് ഈ
തനിച്ചാക്കപ്പെടലിലും ഞാനിന്നു; കാരണം
നീ എനിക്കു മാത്രമുള്ളതാണെന്നു വിശ്വസിക്കാനാണ്
ഇന്നും ഇഷ്ടം...

-

ഇന്ന് അവൻ അവളെയൊരു പേരു വിളിച്ചു...
വേശ്യാ...!
അതു കേട്ടതോടെ അവൾ
കുറച്ചു നേരം ഒന്നും മിണ്ടാതെ ഇരുന്നു..,
കുറച്ചു കഴിഞ്ഞപ്പോൾ ഇടറിയ സ്വരത്തിൽ അവൾ ചോദിച്ചു;
നീ എന്തർത്ഥത്തിലാണ് എനിക്ക് ആ
പേര് ഇട്ടത്? അങ്ങനെ വിളിക്കാൻ എന്തു യോഗ്യതയാണ്‌ നിനക്കുള്ളത്?? അവൻ മിണ്ടാതെ തല താഴ്ത്തി പെട്ടെന്ന്; അവനു പറയാൻ ഉത്തരമുണ്ടായില്ല... കാരണം;
അവനും ഒരിക്കൽ വിശപ്പിനായി
അവളുടെ ശരീരം രുചിച്ചു നോക്കിയതാണ്...
അവൾ കരഞ്ഞു കലങ്ങിയ കണ്ണുനീർ തുടച്ചുമാറ്റിക്കൊണ്ട് വീണ്ടും തുടർന്നു; ഏട്ടാ...,"ഒരു പെണ്ണ് ഒറ്റയ്ക്ക് വിചാരിച്ചാൽ അത് വ്യഭിചാരമാകില്ലാ.. പിന്നെയെന്തിന് പെണ്ണിനു വിശേഷണമായി ഇങ്ങനെയൊരു പേരു.. ???
ഇരുട്ടിലെ മാംസഭോജികളായ പകൽമാന്യന്മാരെ
പിന്നെ എന്തു വിളിക്കണം അപ്പോൾ???
കാപട്യത്തിന്റെ വസ്ത്രമണിഞ്ഞു അവർ അങ്ങനെ നടക്കുമ്പോഴും പെണ്ണിനു മാത്രമായി ഓരോ പേരുകൾ...അല്ലേ.."
"ഇനിയൊരു ഓർമ്മ മാത്രമായ് നിനക്കു ഞാനും.." ;എന്നു പറഞ്ഞുകൊണ്ട് കരഞ്ഞുകലങ്ങിയ കണ്ണുമായ് അവൾ തിരിഞ്ഞു നോക്കാതെ നടന്നകന്നു...

-

മനസ്സിൽ നിറമുള്ള സ്വപ്നങ്ങളും
സുഖമുള്ള നിമിഷങ്ങളും
നനവാർന്ന ഓർമ്മകളും സമ്മാനിക്കാൻ വീണ്ടും ഒരു കേരളപിറവി ദിനം കൂടി....
ഏവർക്കും കേരളപിറവി ആശംസകൾ

-

അവൻ്റെ ശകാരങ്ങൾക്കും കുറ്റപ്പെടലുകൾക്കും
സന്തോഷങ്ങൾക്കും മാത്രമായി
അവൾ സ്വയം മറന്നു
നിന്നു കൊടുക്കുമ്പോഴും
അവൻ അറിയുന്നില്ല..
അവളുടെ ഉള്ളിലും കുറെയേറെ സ്വപ്നങ്ങൾ കൊണ്ടുനിറഞ്ഞൊരു ജീവിതമുണ്ടെന്നു്‌...

-

ധിക്കാരിയാണ്...
വൃത്തിക്കെട്ടവളാണ്...
ക്രൂരമായ മനസ്സുള്ളവളാണ്..
സ്വസ്ഥത കളയുന്നവളാണ്...
എന്നൊക്കെ ഇപ്പോൾ അവൻ
മറ്റുള്ളവരുടെ മുൻപിൽ അവളെ
കുറിച്ച് പറയുമ്പോൾ ഇടയ്ക്കിടെ ഒന്നോർക്കണമായിരുന്നു...
അവളെയാണ് ഒരുകാലത്ത്
അവൻ സ്നേഹിച്ചിരുന്നതും
രാത്രിയോ പകലെന്നോ ഇല്ലാതെ ആഗ്രഹങ്ങൾക്കായും
എല്ലാത്തിനും കൂടെ കൊണ്ടു നടന്നിരുന്നതും..
ഇന്ന് അവനു അവൾ ഒരു ശല്യമായി മാറിയിരിക്കുന്നു...
അവളിന്നു ഭ്രാന്തിയാണ്...
ഇരുട്ടുമുറിയിലെ ചങ്ങലകൂട്ടിലേക്ക്
പോകുമ്പോഴും കൂടെയുണ്ട്
അവളെയിന്ന് ഭ്രാന്തിയാക്കിയ
അവൻ്റെ സ്നേഹം...

-

ഇരുട്ടുമുറിയിൽ തനിച്ചാക്കലിൽ
ഓർമ്മകൾക്കെന്തു കാര്യം എന്നാലോചിച്ചു ഇരിക്കുമ്പോഴാണ് പലപ്പോഴായി ആ മുറിയിൽ ഒറ്റപ്പെട്ടു പോകുന്നത്...

-