ನಿನ್ನ ಪ್ರತಿ ಆರ್ಭಟಕ್ಕೆ
ನನ್ನ ಮೌನವೇ ಉತ್ತರವಾದಾಗ
ಕಣ್ಣೀರ ಪ್ರಶ್ನೆ ನನ್ನದಾಗುವುದಾದರೂ ಹೇಗೆ ಹೇಳು?

-

ಸುಮ್ಮನೆ ಕುಳಿತು ಬಿಡು ಅರೆ ಘಳಿಗೆ  
ನಿನ್ನ ಅಂತರಂಗದ ಮಾತು ಕೇಳಲು 
ಅರಿವಾದಿತು ನಿನ್ನಸ್ತಿತ್ವ 
ಅದೆಲ್ಲಿಗೆ ಬಂದು ತಲುಪಿದೆ ಎಂದು

-

ಅವಳೆಂದರೆ ಮುತ್ತಿಟ್ಟು ಮತ್ತೇರಿಸುವವಳಲ್ಲ
ಮೌನದಲ್ಲೇ ಎಲ್ಲ ಅರಿತು
ಮುಗುಳುನಗೆಯಲ್ಲೇ ನೋವ ಮರೆಸುವವಳು

-

ಅವಳೆಂದರೆ... ಕನಸಿನಲ್ಲಿ ಬರುವವಳಲ್ಲ 
ಕನಸುಗಳನ್ನು ಜೊತೆಯಾಗಿ ಕಟ್ಟುವವಳು 
ಕಟ್ಟಿದ ಕನಸುಗಳನ್ನು ನನಸಾಗಿಸುವವಳು

-

ಬಿಟ್ಟು ಹೋಗಿ ಹೊಸ ಬದುಕು ಕೊಟ್ಟ 
ಪುಣ್ಯಾತ್ಗಿತ್ತಿ ನೀನು.. ಎಲ್ಲೇ ಇದ್ರೂ
ಸುಖವಾಗಿರು ಎನ್ನುವವ ನಾನು..

-

ಅವಳೆಂದರೆ ತಂಗಾಳಿಯಲಿ ಸುರಿವ ಸೋನೆ ಮಳೆಯಲ್ಲ
ಬಿರು ಬೇಸಿಗೆ ಕಳೆದು ಬಂದ ಮುಂಗಾರು ಮಳೆ
ಒಂದಷ್ಟು ಆರ್ಭಟ, ಒಂದಷ್ಟು ಆವೇಶ
ಆದರೂ ನಿರಂತರ, ನಿಷ್ಕಲ್ಮಶ

-

ಅಮಾವಾಸ್ಯೆಯಲ್ಲಿ ಪಯಣ ಹೊರಟಿರುವೆ
ನೀನಿರುವಾಗ ಹುಣ್ಣಿಮೆಗೇಕೆ ಕಾಯಬೇಕೆಂದು 

-

ಆ ನಿನ್ನ ಸ್ಪರ್ಶದಿಂದಲೇ ಗೊತ್ತಾಗಿದ್ದು ನಾನಿನ್ನೂ ಬದುಕಿದ್ದೇನೆಂದು

-

ಕಳೆದುಕೊಂಡಿದ್ದು ನಾನಲ್ಲ ಬಿಡು
ಬಿಟ್ಟು ಹೋಗಿದ್ದು ನೀನಲ್ಲ ಬಿಡು
ಕಳೆದುಕೊಳ್ಳಲು ನೀ ನನ್ನವಳಾಗಿರಲಿಲ್ಲ
ಬಿಟ್ಟು ಹೋಗಲು ನಾ ನೀನಾಗಿರಲಿಲ್ಲ

-

ಭಯವಾಗಿದೆ ಬದುಕೆ...
ಮತ್ತೊಮ್ಮೆ ನೀನೆಲ್ಲಿ
ಕ್ರೂರಿಯಾಗಿಬಿಡುವೆಯೋ ಎಂದು

-