Jane anjaane me tum ye kya kamaal Kar Gaye
Humein tanha chhoda or khud hi tanha reh Gaye

-

Kuchh baag sabz to hue honge,
Kal raat ki barsaat me.
Kuch aashiyane ujad gaye honge,
Kal raat ki barsaat me.
Kuchh jkham ubhar gaye honge,
Kuchh khusi se bhar gaye honge,
Kal raat ki barsaat me.
Kuch raho me rah gaye honge,
Kuch pani se dhah gaye honge,
Kal raat ki barsaat me.
Ek arse se jo tune, andar daba ke rakhkhe the,
Wo aansoo saare nikal gaye,
Kal raat ki barsaat me.
Jin logon se aas thi apna sar chipane ki,
Wo sab ke sab badal gaye,
Kal raat ki barsaat me.

-

chale aao mere humdum,
ke behad Yaad Karti Hun.
tumhe paane ki chahat main,
khuda se roj Karti hu.
tumhe khone se beshak main,
bahot jyada hi darti hun.
Juda mujhse na hona tum,
main tumse pyar Karti hun....
tumhe chhuna Jo chahu to,
Mai tumko chhu Nahi paati.
tumhare bin mere humnaam,
Mai pal bhar jee Nahi paati.
tumhe chhune ki hasrat me,
tarasti Main har ek pal Hun.
chale aao mere Jaana,
tumhari raah Mai takti hun....
tum hasnte ho mere humraaj,
to Mai bhi muskuraati hun.
mujhe sab hai khabar tumko,
ke Mai bhi Yaad aati Hun.
ashko ke is dariya ko,
Mai khud me sokh leti hun.
ek teri Khushi ke khatir,
Mai aansu rok leti hun.....
Nahi chhodoge Mera sath,
bahot aitbaar Karti hun.
chale aao jaane-e-jaana,
ke Mai bus tumpe Marti Hun.
chale aao mere Jaana,
Mai tumse pyar Karti hun.

-

Tum mehaj ek ehsas Nahi, jise Mai mehsus Karti hu,
Meri rago me bahte khoon ki tarah ho Tum.
Tumhare Bina Mera tassawur kuch bhi Nahi,
Mera Dil,meri Dhadkan, mera Wajood ho tum.

-

Lo aaj un yaado ko bhi mita diya,
Jo mujhe mita rahi thi.

-

Wo bewafa badi saadgi se bawafa ban baithe,
Hum wafa Karke ke bhi bewafa ban baithe.

-

Afsos Ke use zer-o-zabar tak sikha na saki
Wo ishq me mere anpadh hi rah Gaya.

-

Is Dil ke sare bharam dur Kar jaao,
Aisa karo, mujhse thoda or lad jaao.

thoda gussa, thodi beizzati or Kar jaao,
Is tarha mujhko, khud se dur Kar jaao.

Jo aaj bhi baithi hain raah me tiri,
un aankhon ko benoor Kar jaao.

Sulag raha hai ishq badan me,
nafraton se usey tar Kar jaao.

Jis me tera pyar basa hai,
Tukde Us Dil ke Kar jaao.

Jo bacha-kucha hai is zehan me,
khatma us waham ka Kar jaao.

Is uljhe se rishtey ki dor ko,
Aakar khaak tum Kar jaao.

Jo itna Kuch bhi baaki sa hai,
Tum Dafan Usey bhi kar jaao

Tum laut ke beshak mat aao,
Par jeena mujhe sikha jaao.

-

Jo aajmaye the hum pe nuskhey,
Ab or kis-kis pe aajmaoge,
Dekhna hai ab kise tum pehla bataoge.

-

Tum beshak chale jao,
Humse na ho paayega.
Tujhe gar Dil se nikalun,
Mira Dil tadap jaayega.
Tujhe gar Dil me Rakh lu,
To tira kya bigad jaayega.
Mire na hone se beshak,
Tira Kuch bhi na jaayega.
Kisne diya tha dhokha,
Or kisne Kiya tha pyar,
Ye to wakt hi batlayega.
Beshaq! Ye likh ke Lele,
Us din Tu bahot pachhtaega.
Or tab haal-e-Dil apna,
Kisi ko tu keh Na paayega.
Aaj to, Tu naa kehta hai,
Tab humse na ho paayega.
Tab Tu to kya tira saaya bhi,
Mujh tak pahoch na paayega.
Beshak! Us Roj Miri Taqdeer se,
Tira Naam tak mit jaayega.

-