Aaj kal kuch badal sa gaya hoon
Na koi shikayat, na koi gum,
Jaane woh dard bhare pal kaise guzar gaye
Samajh hi nahi sake hum

Ab duniya naye nazariye se dekhta hoon,
Yeh mausam, yeh fizayein baatein karte hain mujhse,
Puchte hain,
Kaise ho ay mere toote huye aashiq?

Ab kya hi samjhaun unhe,
Pyaar tha ek hi, mit gaye woh jazbat,
Bas kisi tarah bikhar ke sameta hai khudko,
Na zarurat ab kisi ki, na rahi mujhme woh baat.

Yeh aashiq ab aashiq na raha
Aaj kal kuch badal sa gaya hoon😊

-

Humse kehte the
Anth Tak saath na chodenge,
Lo dekh lo tum kahan hum Kahan
Ab shayad woh har kisiko aise ji todenge

Woh samajhte hain ki hum har baar seh lenge
Waqt ke hisaab se kabhi bhi badal lenge,
Bas bharosa nahi ki kab khud badal jaoon
Khud hi batao ab, toote huye sheeshon ko ab kaise hum jod lenge?

Haan maana ki kuch galat kiya tha humne,
Par kiya toh sirf pyaar tha,
Maafi maangke sirf waqt maanga tha thoda sa
Tumhare liye sirf jaan thode se pal ka intezaar tha.

Mann ki baat yeh hai ki
Ab akelepan ki aadat si hone lagi hai
Sochta hoon jab jhute kasmon ko
Jee karta hai ki khayalon ko aise kone mein fekh dein
Jahan koi ujala sparsh na hoye,
Bas naye khwabon ko jagaana chahte hain
Dua yahi hai ki hum andhere ka sahara na hoyein.

-

There was an ocean of silence between us,
I was drowning in it
I reliazed that,
staying in the middle of the ocean will eventually kill me
just in hope of getting help.
The quickest solution was that I arrive at the shore,
Rise above the sand and watch the sun drowning behind me.
Get up dear, new mornings await.

-

Waise Shayar toh nahi
Par haan teri taareef karte karte ban hi gaye hum
Ghum ho gaye ishq mein tere
Bas tere hi banke reh gaye hum

--Aaj baat karunga tere adaaon ki--

Uff tera muskurana
Haaye dil pigal jaata hai wahin
Bas dhundhoon main teri hasi
Aur dikhe aur kuch nahi

Teri nazrein toh mujhe teer ki tarah lagi hai
Seedhe ankhiyon se ankhiyon pe vaar
Nazar meri hai ke haththi hi nahi
Bas wahin jaata hoon main haar

Teri zulfon ka kya hi kehna
Yun tujhe pari bana deti hai
Haaye itni khubsurat ho
Mujhe unn mein hi kho jaane ki tamanna jaga deti hai

Tere gol se gaal
Jee chahta hai chumte jaoon
Jab Sharma jaati ho, jee karta hai ki
Gulabi roop mein tere jhumte jaoon

Yeh woh adaayein hain teri
Jisne har waqt har, kadam tujhse pyaar karne ki laalach di hai
Ab bas khatam karo intezaar jaan
Pyaar bayaan karne ke liye khuda ne yeh jodi jach di hai❤️

-

Sada khush raho yahi dua rakhte hain
Koi gham tumhe sataye na
Har manzil haasil ho
Tumhara raasta tumse dur koi hataye na

Awaaz tumhari gunje har ore
Roke na tumhe koi unchaiyaan haasil karne mein
Bas tum chale chalo aage
Rukawat nahi hogi kamyaabi praapt karne mein

Haan dur hain hum
Kaash paas hote
Taufe zaroor behtereen milte
Woh lamhe bahut khaas hote

Aayega waqt jab tumhe
Sabse pyaar hi pyaar milega
Bas thoda sa sabr karlo
Jo khuda se maango woh sab yakeenan milega

(Janmdin mubarak🎉)

-

Har kadam tumhari ore aane ka rasta dhundein
Yeh bebasi kis baat ki
Ab tumhe yaad karne ki aadat ho gayi
Har raat ki

Tumhari tasveer jee bhar ke dekh loon
Yahi dua hai har pal ki
Bas woh tasveer cheena mat karo
Jisne mere dil mein halchal ki

Shetaaniyan toh badi hain tum mein
Kabhi apni zid bhi nakaar do
Zaroori ho mere liye tum
Khayal rakh ke apna, mujhe pyaar do

Naarazgi pe tumhare hum sanam Samajh lo ki jee nahi paate
Tumhare gussa bhara sona sa chehra
Hum kabhi bhula nahi paate

Isse ishq nahi toh kya kahoon
Jo tumhe har pal maange, tumhe har pal chahein
Kuch tumhare bager na sochein hum
Humhari raahein bhi tera sang har pal chahein

-

Yeh shayari toh uske liye hai
Jo hai mera pyaar
Pehli baat toh uske baare mein yeh hai ki
Usne har pal kiya mera intezar,
Pyaar usne mujhe har pal kiya
Bas kuch baatein samajh nahi payi
Fir bhi raaton mein
Use yaad meri har roz aayi,
Chahe khud kitne dard mein ho
Mujhe Akela na mehsoos hone deti hai
Kuch chidaake, kuch gussa dilaake
Mujhe khushiyon ka taufa har pal deti hai,
Naaraz ho jaye toh baat nahi karti
Par har pal pyaari lagti hai
Agar main ro jaoon toh
Khud mujhe chup karaane lagti hai,
Uske dil se toh lagaav hai mera
Itna masoom jo hai mere liye
Dur nahi rahunga usse
Meri jaan hai kurbaan tere liye ❤️

-

Jaane kitna samay beet gaya
Tumhari baahon mein na khoye huye
Samay se pucho zara
Kitna samay lega humhe milaane mein

Yaad hain bahut dil ke kareeb se
Tumhari saanson ki khusboo
Koi bata bhi do aakhir Kitna waqt lagega
Ek khubsurat ful ka joda milaane mein

Din toh bas yaadein taaza karne mein nikal jaata hai
Kabhi tumari haseen muskaan toh kabhi tumhari meethi baatein
Koi jagah bana de aye khuda
Jahan bina kisi rokh ke Bana sakein hum nayi yaadein

Chalo na sang ab
Yeh safar tumhare bin adhura hai
Apne Dil se bhi yeh sawaal karlo, woh bhi yeh kahega ki
Mera Ishq tumhare bin adhura hai!
Mera Ishq tumhare bin adhura hai!

-

Uss pehli haseen mulaqaat ke baad
Aankhon ne mujhe gumrah kar diya
Shayad hoga tumhe yaad
Muskurahat ne teri aashiq haaye dilruba kar diya

Sochta bas tumhare baare mein tha
Ki Kaash tu mera humnava ban jaaye
Intezaar karta tha roz tumhe dekhne ka ufff khubsurat pari
Ki Kaash tu mera humsafar ban jaaye

Tera roz mere liye intezaar karna
Dillagi darsha deta tha
Ab saath judne ki zid thi meri
Tera dikh jaana hi jannat dikhla deta tha

Tujhe apna banane ke liye
koi bhi hadd tak jaane ke liye tayaar tha
Saanson ko saanson mein ghulaane ke liye

Chal tere sawaal ka jawab de deta hoon
Jab pehli baar dekha tujhe
Dil ne keh diya mujhse
Yahi hai teri aashiqui ab
Ab rokh mat khudko
Ja Mohabbat kar, aur cheen la ab usse khudse❤️

-

Galti ki fir nahi karenge
Laparwahi humhari hogi
Par naaraz karne ka koi humhara nahi iraada
Bas khush rakhne ki Adah rakhte hain
Maaf kar diya karo agar galti ho jaaye
Dher saari mohabbat karenge bas hai yeh waada
.
.
.
.
(I love you ❤️)

-