உலா
நாம் போகும் பாதையில்
நிலா
நம் கூட வருகையில்
சொல்லா
அந்த சொல்லில் என்னை
சொல்லாமலே கொன்றாய்....

- யாகவி

-

அதிகாலையில்
ஆதவனுக்கு முன் எழுந்து
அங்கம் குளித்து
அறுசுவை சேர்த்து
அன்னம் சமைத்து
அவனுக்கு பரிமாருகையில்
அழகாய் கூறினான் - " நீ
அரளி விதையில்
சமைத்தால் கூட அதை
அமிர்தம் என
உண்பேனடி - என்
அன்பு மனைவியே ! "
என்று.....

- யாகவி

-

தூரம் மட்டுமே
தூவி கொண்டு இருக்கிறது...
அவன் நினைவுகளை
துயில் எழுந்தாலும்
தூரல் போல உன்
வார்த்தைகள் மட்டுமே...
தூசி படியா அவன்
காதலை
காலம்
தூக்கி கொண்டு
சென்றதேனோ.....

- யாகவி

-

பிரிந்தாலும்
உன்
கைகளை பற்றி
கொண்டு தான்
இருக்கிறேன்...
உன்னோடு சேர்ந்து நான்
எடுத்து கொண்ட
புகைபடங்களில்....

- யாகவி

-

பிரிந்தாலும்
உன்
கைகளை பற்றி
கொண்டு தான்
இருக்கிறேன்...
உன்னோடு சேர்ந்து நான்
எடுத்து கொண்ட
புகைபடங்களில்....

- யாகவி

-

கனவிலும் மறந்து விடாதே
உன்னோடு
கதைக்கும்
வார்த்தைகளை
செதுக்கி தான்
கவிதை படைக்கிறேன்...
உயிருக்குள் ஒலிக்கிறது
உளியின் சப்தம்...
உணர்வென
வெளி வருகிறது
உன்னோடு
நான் செய்த
யுத்தம்.....

- யாகவி

-

பூக்கள் அழகு என்று
பொய்யுரைத்து விட்டேன்....
உன்
புன்னகையை
பார்ப்பதற்கு
முன்பாகவே...

உன்னை சுற்றி வருவதில்
நான் தான் சிறந்தவன்
என்றேன்....
ஞாலம் சுழலுவது
ஞாபகம் இன்றி...

- யாகவி

-

நெஞ்சில் கொண்ட
நினைவுகளை எல்லாம்
நிலவிடம் விட்டு செல்கிறேன்
பார்த்துக் கொள் ...
ஏன் எனில்
உன்னோடு
நேரில் உறவாடியதை விட
நேரம் போவது கூட தெரியாமல்
நடு இரவில்
உரையாடியது தான்
அதிகம்....

- யாகவி

-

சித்திரம் படைக்க வந்தவன்
நித்திரை இழக்க செய்து விட்டான்
கடைசி வரை
கதைக்கவே இல்லை
காரணம்
கண்களில்
காதல்
கசிந்து விடுமோ என்ற
பயம் ...
ஆனால்
தினமும் அவனோடு
தித்திக்கும் நினைவுகள்
கனவுகளை யாராலும்
களவாடா முடியாது ....

- யாகவி

-

முழு நிலவை போன்ற
முகத்தில்
மூன்று நாட்கள் மட்டும்
குடியிருக்க என்ன
தவம் செய்ததோ !

உன் கன்னக்குழியின்
முகப் பருக்கள்......

- யாகவி

-