जिभेला झालेली जखम काही काळात बरी होते पण,
जिभेने मनावर झालेली जखम आयुष्यभर न विसरण्यासारखी असते.

-

स्टेटस टाकून लोकांना टोमणे किंवा समजवण्याच्या भानगडीत न पडणंच योग्य, कारण ज्यांना तोंडाने सांगून फरक पडला नाय त्यांना स्टेटस टाकून थोडीच फरक पडणारय...

-

नको प्रसिद्धीचा झोत ना कंमेंट्स ची रेलचेल हवी,
एक अशी दाद दया मज जीं मरणोत्तर जिवंत हवी.

-

कधी वास्तविकता मांडणं कधी यमक जुळविणे,
विरंगुळा म्हणून जपत उत्तम लिखाण होत गेले..

कधी भयावह वास्तव तर कधी मौजमस्ती करणे,
जीवन सुकर माझे शब्दजुळवणीतुन होत गेले..

मी एक आवड म्हणून घेतले लिहायला विषय अनेक,
मी एक कवयित्री सुप्त मनात फुलवत नव्याने रोज गेले.

-

'मी तुझ्या नेहमी सोबत आहे'
असे म्हणणारे बरेच जण वेळ आल्यावर त्यांच्या सोयीनुसार सोबत निभावतात..

सुरुवातीस लिहिलेलं वाक्य लिहायला आणि वाचायला जेवढं सोपं आहे. त्याच्या किती तर पटीने ते निभावणं तितकंच अवघड
कारण ते निभावण्यासाठी मनाची प्रघल्पता, अनुभव काठिण्य पातळीआणि सर्वात महत्वाचं कोणत्याही परिस्थितीला तोंड देण्याची तयारी लागते.

-

उत्तम विचार प्रघल्पता वाढो तुझी अशी,
हरएक सुख लोळण तुझ्या पायाशी घेईल..
सौंदर्यपुर्णता असावी नेहमी सोबतीस अशी,
मनातील ध्येयपुर्ती तुझी वाढत नेहमी राहील.

तुझ्या आवाजातील माधुर्य लाजवेल चंद्रासही,
मधुरता तुझ्या विचारांची लाली त्यास चढऊन जाईल.
हळवा स्वभाव बोलकं मन असावं नेहमी चिरतरुण,
तुझी हिच कलात्मकता जवळीकता वाढवत राहील.

विशेष दिवस आजचा मावळतीला झुकला जरी आत्ता,
तुझे भविष्य आनंदी नेहमी आजच्या दिवसासारखे राहील..
मार्ग खडतर नि वाईट अनुभव येतील हजारो जरी तुला,
तुझी खंबीर मानसिकता नेहमी जिंकवत तुला राहील.

-

लिखाणात वजीर आणि वागण्यात बधिर असं असता कामा नये.
कारण एक वेळ लिखाण चुकलं तर खोडता येईल पण वागणं चुकलं तर तो लागलेला डाग कशानेच पुसता किंवा खोडता येत नाही.त्याची सल शरीराने मरेपर्यंत आपली पाठ सोडत नाही.

-

माणसाने माणसाशी कसं वागावं?
याला जर शाळेत मार्क दिले जात असते..
तर कदाचित आज समाजात वेगळी परिस्थिती असती.

-

वेळ अशी का यावी उद्धवस्त हळवं हृदय व्हावं,
नकोसा वाटेल सहवास कुणाचाच,
का आयुष्य इतकं लाचार व्हावं.
घडलंय काय बिघडलंय काय याचं भान नसावं..
डोळ्यांतल्या अश्रुंनीही निःशब्द होऊन वहावं..

-

काहीतरी अपुर्णत्व जाणवत आहे,
माझं मलाच काहीतरी रितं वाटतं आहे..
माझी मीच नाही उरले असे आभास सारे..
सुख देखील आता नकोसे वाटते आहे..
असं हरवणं तुझं कुठंवर चालायचं मयु??
माझं आयुष्य मला आज प्रश्न करते आहे.
घेतले निर्णय काही चुकले काही बाटले,
भविष्य तुझ्या नव्या सुरुवातीच्या प्रतीक्षेत आहे..
तुटल्या भावनांनी सुटल्या हातांनी,
शिकवलं तुला आयुष्यात बरंच काही..
परतफेडीच्या अपेक्षेत उत्तम कर्म तुझं उभं आहे.
विस्कटलं जरी सारं ठरवलेलं तुझ्या मनातलं,
काही तरी चांगलंच घडेल ही आशा जिवंत आहे.
क्षणभंगुर हे तुझं आयुष्य मातीमोल होणं ठरलेलं जरी,
तुझं मरणोत्तर जिवंत राहील असं आयुष्य तुला घडवायचं आहे.

-