ஒவ்வொரு முறை
நீ என்னை
கடந்துசெல்லும் போதும்
ஆட்டோவில் செல்வது போல
ட
த த க்கிறது மனது
ட

-

அம்மாவின் புலம்பல்
மனைவியின் கோபம்
கல்லூரி கட்டண நிலுவை
மருத்துவச் செலவுகள்
அலுவலக பணிச்சுமை
கல்யாண வயதில் மகள்
மகனின் வண்டி கோரிக்கை
படுத்த படுக்கையாக அக்காள்
கழுத்தை நெரிக்கும்
மாதத்தவணைகள்
எறும்பு மொய்க்கும் சிறுநீர்
எப்போதும் உச்சத்திலிருக்கும்
இரத்த அழுத்தம்
வீட்டிற்குள் நுழைந்ததும்
இவையனைத்தும்
கணநேரத்தில்
மறந்து போகின்றன
புரூனோவின் அன்பின்
குழைவிலும் வாலாட்டலிலும்

-

நண்பர்களுடன் அரட்டையடிக்க
தனிமையைப் போக்க
புத்துணர்ச்சி பெற
இணையுடன் அளவளாவ
பணியிடையே சற்று இளைப்பாற
பிறர் அகம் பற்றி புறம் பேச
சாளரம் அருகிலமர்ந்து மழையை ரசிக்க
தேர்வுக்கு கண்விழித்து படிக்க
அனைத்திற்கும் தேவை
ஒரு கோப்பைத் தேநீர்

-

காலங்கள் கரைந்தாலும்
காயங்கள் மறைத்தாலும்
மாயங்கள் ஏதுமின்றி
மறக்காது நிற்கிறது
உன்னாலான வடு

-

படர்ந்துள்ளது
அடர் அடம்

-

இணை கோட்டில்
தடம் மாறாச் செல்லும்
இரயில்கள் என்றும்
இலக்கை அடைய
தவறுவதில்லை

-

நிறைந்திருப்பதில்லை
மோசமான எண்ணங்கள்

-

எதிரொலிக்கும்
பேசிய பேச்சுக்கள்

-

காட்சிகள் மாறிவிடும்
இறுதிவரை போராடு
இறுகியமன உறுதியோடு

-

சின்னக் கவிதை
உன் பெயர்



பூபாளம்
உன் குரல்



சலங்கை ஒலி
உன் சிணுங்கல்

-