Uss raazdaan ka bhi kya khoob sang raha,
Har raaz usmein simat kar hi kahin khoya hai;
Jab naam pukara apna aur uska bairaagi rang dekha...
Tab Jaana ki maine khudko kahin anjaan raahon par khoya hai!-
Aahatein meri hain lekin dur hun abhi Raahaton se,
Najaane kyun khamosh lagte hain shor machaate khwaab mere?;
Abhi toh muskurahat sang chalna seekha tha nadaaniyon se aise,
Ki girne se sambhalne takk jo sang chale...
Ab palak jhapakte badal rahe hain Shaam-Savere!-
Mehfilon se dur rahe hain jaam jabse,
Hosh mein bhi aasmaan gira hua lagta hai!
Yun toh halaaton ki saazish hui hai sharaab se,
Ki har kissa ab madhoshi mein ghira hua lagta hai!-
Ek Khwab tha humara jo adhura ho gaya,
Samet sakun khuli aankhon se,
Usse pehle woh khud mein hi simat gaya;
Kasoor aadaton ka nahi tha janaab...
Seedhe se raaston ka Ek woh Mod,
Jahan mann sambhalne se pehle aage badh gaya!-
Kahin dur chala jaun agar hokar beparwaah,
Kuch raaste dekhne hain shayad abhi;
Manzur ho mujhe ye zaruri kahan?,
Aise awaarapan ki khudse ab inaayat nahi;
Yun kadmon se naraaz jo dikhte hain raahguzar,
Kya Pata?..
Khwaishon se mulaaqat ho jaye shayad kahin!-
I created a Tsunami in my naive head,
Never to know why I drown to death everyday;
Stuttering eyes wake up to analyze the life instead,
While the life-loop of uncertainty promises to stay!
Smile, shine only to realize the eyes going red,
While the clock runs from sun to moon...
I accept my personalities in an alien way!
-
Waise toh hazaaron ki bheed mein chalte hain ehsaas humaare,
Ek pal ko rukk jaane ki khwaish shayad bewajah hai;
Beshaq barbaad kisson mein lipte hain kuch hisse humaare,
Kabhi nasamajh hue aur kabhi khud se hi anjaan hue ye ehsaas iss qadar...
Ki inse ab dur jaane ki aazmaish shayad bewajah hai!-
Ek hissa mera uss pal mein hai jo ruka nahi,
Ek aahat meri uss awaaz mein hai jo unsuni rahi,
Kuch raaz mere hain aur kuch kisse raazdaan hain,
Kuch khwaab adhure aur kuch adhuri dastaan hai;
Mai benishaan hun aur shayad bewajah pareshaan,
Ki Mai zameen se upar hun yaa fir toota hai aasmaan?;
Anjaan lafzon mein bikhre hain kuch aakhri sawaal mere,
Na khuda se dua meri aur naa milte hain shayad khayaal mere!
ki Ek hissa mera uss pal mein THA jo ruka KYUN nahin?,
Ek aahat meri uss awaaz mein THI jo unsuni KYUN rahi?.-
Inn raaston pe nishaan apne dikhte kyun nahi?,
Ki har kadam par saansein zarur thamti hongi;
Hai safar mera fir bhi manzilon ka intezaar hai kyun nahi?
Anjaan khudse toh khafaa kya rehna?...
Ki aankhein ab mazilon se zyada raaste talaashti hongi!-
Mai kahan tha uss pal mein ye sawaal naya hai,
Kyun Gumnaam raaston pe tham gaye ye ehsaas bina bataye?
Aahaton mein bikhre ye anjaan khayaal kya hai?,
Ki na rootha hun aur naa khafa hun zindagi se...
Phir kahan mud gaye mann se muskurahat ke raaz bina bataye?-