"Tu hi durga, Tu hi Amba, tu hi jagat ki Shakti Hai,
Tujhse hi srishti banti hai, tujhme hi srishti basti hai,
Dharti ka tumpar naam rakha, ab udaan ki baari hai,
Do matrayen jyaada hai, Nar pe Naari Bhaari hai"

-

Kehna tha mujhe kai baar,is baar mai kehta hoon,
tere paas mai rehta tha tere paas mai rehta hoon,
tab door mai rehta tha,ab paas mai rehta hoon,
har pal tere hone ka ehsaas to rehta tha,
kehna tha mujhe kai baar is baar mai kehta hoon,
tune aake meri jindagi me,khoobsurat banaye ise,
haqeeqat kahen to khwabon se sajaya ise,
duniya jo adhoori thi,tune poora banaya use.
Kehna tha mujhe kai baar,is baar mai kehta hoon,
masoomiyat teri aisi dekhi na kabhi hamne,
teri muskurahat ke to hum sada se deewane,
bas too hansti rahe chahe kisi bhi bahane.
janmdin kai aayen,khushiyan anek layen.
ishwar kare aisa,tu sada muskuraye
hum khush rahe yunhi aur geet kayi gayen,
ek dooje ke sahare ek khushiyon bhari duniya sajaye.

Happy Birthday to my Dear Angel- Akanksha.Hope you have a great and lovely year ahead:-)- By Vineet

-

Khwab khatm sapne adhoore, tootne ke unke kuch Nishan baki hain
Kal dange me jala di bastiyan dharm ke naam pe,
Sach bataaon to Salma ka sindoor aur Radha ka burka Jo shauk se pehna tha unhone unke jale hue jism pe aise bhi kuch Nishan baaki Hain
Manavta ke Daman pe, jahalat aur krurta ke cheete, khoon ke dhabbe aur Sharm ke ehsaas baaki hai.
Haan Hindustan ke Dil me aise hi kuch Nishan baki hain.

-

Safar Ka Anuraag

Mai nikala safar pe, meri marji nahi thi
Rota hua ladkhadata hua aage badha
Ungli thami pita ki, god me maa ki tehla
Aur badi mushkil se fir apne pairon pe chalne laga
Chalte chalte bahut door aa gaya
Kai mukam paye, kai log mile
Kuch dil mile, kuch dil khile
Kisi se anurag hua, kisi se virag hua,

Par sukoon ye hai ki, jo bhi kiya accha kiya, jo bhi jiya accha jiya
Safar aur bhi baaki, anuraag aur bhi baki.
#mypoem #improvpoetry #yourquote #
bangalore #hadfun

-

"Kuch waqt thahar jata, kuch log thahar jate,
Hum manjilon ke waaste chalte hain kai baari, manjilon ki aur jaate hain kai raste,
In Raston me mile log hi raste ki pehchan hote hain,
Manjilon ka kya hai mil hi jaayengi, raste me mile log hi safar ki jaan hote hain,
Jindagi kisi aur bhi le jaye Hume, kuch log is safar ki shaan hote hain safar ka maan hote hain"

-

Sukhen Patton ka hawaoon me udna
Sharma ke muskuraat ka chahre pee khilna
Badi muddat ke baad yaad aate ye drishya
Aisa lagta Hai Kindle ke daur me kitabon ka milna.

-

Har roj uthegi, har roj chalegi,
Ye Kalam Meri Hai Meri
Na hi jhukegi, na khamoshi baithegi,
Kabhi sacche aadambar,
aur kabhi jhoote usool todegi
Samaaj ke mulya, jajbaton ki nabj tatolegi
Kabhi hansayegi to kabhi rulayegi
Par jab bhi chalegi, kuch na kuch jaroor bolegi, Ye Kalam Meri Hai Meri
Na hi jhukegi na khamoshi baithegi
Dil ki Khushi, aankhon ki khamoshi
Parindon ki udaan, naari ka samman
Nadiyon ki lehar, burai pe kehar
Sach ki Jeet, har juban ka geet
Ban ke rahegi, sang sang bahegi
Ye Kalam Meri Hai Meri
Jo bhi kahegi, Dil se kahegi

-

"Teri narajgi bhi mohabbat ka ehsaas Kara jati Hai,
Kitne kareeb Hain hum ye Hume dooriyan samjha jati Hai
Tujhe apna banane ki koshish ab lagta Hai khatm Hui,
Ab to Teri khamoshi bhi Hume ijhaare mohabbat Bata jati Hai."

-

Masjid ki ajan se Meri subah hoti Hai, mandir ki ghantiyan mujhe Lori sunati Hain, Mai girijaghar me prarthana Kar Raha hota Hoon to gurudware ke kirtan ki yaad aati Hai

Mera ishwar sada Meri duaon me rehta Hai kahin dhoondha nahi jata Jo sabke dil me rehta hai

Sehar me sabhi bhaiyon ne apne makaan banaye,
sab alag rahne lage kabhi Ghar na bana paye

Meri behane hamesha Mera dhyan rekhti Hain,
Mai Salma bulata Hoon to Sarita jaag jati Hai.

-