Waqt ki ret dhak deti hai sangemarmar ki diwaaron ko,
Ek baarish chaahiye,unhe phir se nikhaarne ko.

-

Nahi pata kab tujhse itna pyaar ho gaya
Tu kab meri dhadkanon ka khumaar ho gaya
Kab meri ibaadat ki vajah ban gaya
Aur kab tera muskurana mere dil ka qaraar ho gaya
Ishq ki baarish kab barasne lagi mujhpar
Kya pata kab mera maqsad tera intezaar ho gaya
Socha nahi tha ki kabhi koi itna zaroori ho jaayega
Tu jism mein rooh ki tarah se shumaar ho gaya

-

Aisa nahi hai ki main uss se pyaar nahi karti..
Aisa nahi hai ki main uska intezaar nahi karti..
Woh khaas tha,khaas hai aur khaas rahega mere liye..
Usko dekhe bina meri subah aur meri raat nahi guzarti..
Woh dil ka tukda hai,meri saanson ka zariya hai..
Woh meri mohabbat ka aasma,ishq ka dariya hai..
Meri taqdeer ka diya khoobsurat inaam hai woh,
Mere liye khuda ka bheja paigaam hai woh..
Uski aankhon mein duniya basti hai meri..
Meri dard bhari zindagi mein mera sukoon aur aaraam hai woh..
Lafz kam hai ahmiyat kahin zyada hai uski,
Mere wajood ka hissa,mere liye pyaar ka naam hai woh..

-

baatein toh tujhse bahut karni hoti hain,
par shuruaat aaj kal ho nahi paati...
gile shikwe hi itne hone lage hain,
pyaari koi mulaqaat aaj kal ho nahi paati...
main jaanti hoon aur mera dil jaanta hai,
tu kitna zaroori hai mere liye...
tujhse mile bina aur tujhe dekhe bina...
mera din aur meri raat aaj kal ho nahi paati...

-

Apni apni jagah sab sahi hain ae dost,
Kabhi laqeer ke uss paar jaakar toh dekho.

-

Tujhse raabta hai shayad purana koi,
Tabhi dekh kar tujhe dil dhadakta hai.
Khud par hum kaboo kho dete hain,
Tujhse milne ko dil tadapta hai.
Jo rishta hai tere saath mera,
Muqammal maqaam de usse.
Har baar tujhe chhoo kar tujhe paane ka khwaab,
Meri aankhon mein aa utarta hai.

-

Yeh zaroori nahi ki ishq keh ke bayaan kiya jaaye,
Bina bole bhi maine uski mohabbat ko mehsoos kiya hai,
Mere saath chalte huye mera haath thaam lena,
Usne choti choti inn baaton se mere dil mein ghar bana liya hai.
Pyaar toh sab karte hain lekin nibhaane ka dastoor bada kam hain,
Woh pyaar hi kya hua jo vaade kar ke adhoora chhod diya hai,
Dar lagta tha ki mera pyaar bhi yunhi namuqammal na reh jaaye,
Lekin usne mujhe pyaar nibha ke apni shiddat ka yaqeen dila diya hai.
Akele thhe jab tak toh har shakhs se darr sa lagta tha,
Kyunki yeh dunia badi zaalim hai isne sab par sitam kiya hai,
Uske aane ke baad har kami poori si huyi lagti hai,
Humne pehli dafaa zindagi ko khul kar jiya hai.
Shukriya ke liye lafz nahi hai paas mere ae humdum,
Tune mere unn khule se zakhmo ko mohabbat ki dori se siya hai,
Ta umr tujhe chahungi yeh vaada aaj karti hun,
Maine khuda ke siwa sirf tere aage sajda kiya hai........

-

Iss pal mein jo hum saath hain,
Tumhare haathon mein mere haath hain,
Phir kyun lafzon ki zaroorat hai,
Zara dekho yeh khaamoshi kitni khoobsurat hai,
Na kahenge aaj hum dono koi kahaani,
Bas baatein hongi yunhi bezubaani,
Ishq agar hai mujhse toh aaj maan lo mera kehna,
Aaj bas tumhare seene pe sar rakhke mujhe tumhari dhadkanon ko hai sunte rehna,
Main main na rahun,tum tum na raho,
Bas rahe toh iss waqt ki meethi si yaad,
Na jaane kitni muddat se intezaar tha aise palon ka,
Na jaane kab milenge aise pal aaj ke baad....

-

A moment to look inside me,a moment to know myself....
A thought that makes me restless,a thought that makes no sense....
How to know what I'm feeling,there's a hustle of things going on....
Now I feel I'm friends with life,now I feel it's gone....
Each day I am more confused,each day more distressed....
Everything seems too baseless,and I remain unimpressed....
Life felt like a riddle,what I thought it to be,but it is so different....
More than making me surprised,it's rushing towards me to torment....
I need a solution,I need a way....
I need someone to show me how to stay....
I don't want to fight with life,I don't want to fall apart..
I just want live with a balance of mind,soul and heart!!

-

Adhoori thi zindagi,thhe adhoore se hum,
Tum aaye toh laga ho gaye poore se hum..
Chehre se tumhare,humara din shuru hota hai,
Tum par hi khatm hain raatein,har sapna tumhare saath hi sota hai..
Tumhari ek muskurahat dil mein sukoon bhar deti hai,
Thodi si naaraazgi tumhari jaane kyun humein bechain kar deti hai..
Jab dekhte ho pyaar bhari nazron se humein,hum hosh apna kho dete hain,
Itni yaad aati hai tumhari ki hum deedar karte hi ro dete hain..
Jaan ho tum humari,na jaane kitni baar keh diya hoga,
Tumhare saath guzra har lamha,humne khayalon mein sau baar jiya hoga..
Saari umr tumhare saath guzaarne ka iraada hai humara,
Ab toh hum bhi hain tumhare aur humaara naadaan sa dil bhi hai tumhara..

-