Jise khona ka tujhe darr hai
Use pata nahi usne kya paaya hai
Ilm hota use gar wo johri hota
Ke khuda ne tujhe heere ki tarah tarasha hai!

-

Chehra aisa ho
Jo dil lubhaaye bhi
Aur dil ki baate bataye bhi

Aankhe aisi ho
Jo dil ka aaina bhi ho
Aur kabhi kabhi mukhauta bhi

Muskurahat aisi ho
Jo sach chupaaye bhi
Aur dil ke raaz bataye bhi

Aur Dil aisa ho
Jo bilkul saaf ho
Aur niyat se nek bhi

-

Kuch aise bichde wo humse
Jaise achanak se kat gayi patang koi
Kuch aise mile bhi the hum
Jaise bemausam barsat koi

-

Ye barsaat, tera khayal aur wo ek pyali chai
Garm pyale se uthte dhuye ki saaye
Background me bajta
tera pasandida gaana
Dheeme se gungunana
table pe taal bajana
Boondon ko nihaarna
Kabhi haathon se sehlana
ungliyo se cheente udana
Geele baalo ko jhatkana
Kabhi sarr bahar rakh
Kuch boonde pi jaana
Shaam ke us lamhe me
Ek rumani sama bandhna
Yaad aati hai in baarisho me- tu aur teri shararti nazar, haaye!
Ye barsaat, tera khayal aur wo ek pyali chai

-

Is Mohabbat me aakhir bacha kya hai?
Kuch kisse adhure jazbato ke
Kuch yaade hamari anginat baato ke
Aur bas tumhara intezar!

-

Jinhe apna maana tha
Wo gair ban baithe
Jo gair the wo apno se behtar
Rishte nibha baithe

Apno ne apnaake thukraya kuch yu
Duniya samaj baithi hum maang rahe the tawajju
Kisiko kya pata kitne raaz seene me hu dafnaaye
Koi sun le to ashko ki nadiya hi beh jaaye

Kisi se kya kare shikva
Shikayat kya kare hum
Jo mile use gale laga liya
Muskarake gham bhulaye hum!!

-

Bebakpan meri hayat thi,
Sharmana meri fitrat n thi..
Tujhse rubaru hokar ae fitoôri
Meri shaqsiyat hi badal gayi!

-