Tumhari yaad nahi ati ab,
Wo baat alag hai ki tumse ki hui baato ko soch ke aaj bhi muskura leta hu
Mobile ki ghanti bajte hi lagta hai shayad tumhara call aya ho
Log mujhse tumhara haal pahle bhi puchha karte the or aaj bhi puchhte hai
Or unke sawalo pe me pahle bhi muskurata tha or aaj bhi muskurata hu,
fark sirf itna hai ab muskan banawati hai.
Tumhari yaad nahi ati ab,
Wo baat alag hai ki sara din kaam me byast rahne ke baad bhi raat ko neend nahi aati
Yu to kisi baat ka dukh nahi hai, lekin pataa nahi kyu ek khalipha sa lagta hai ab
ek sawal khud se aksar puchhta hu
kya tumhe bhi meri yaad nahi ati.......!!!

-

Maa dekho, shardiyo ki suhani dhoop fir nikli hai,
Bahut yaad aa rahi hai, baramde me baith ke
Tumhare haath se bani palak ki sabji & dum aloo ke sath ghee lagi garm roti,
Dekho maa, tumhara laal bhi sabki tarah
Zindagi ko behtar banane ki chaah me zindagi se hi door Ho rahaa hai
Tumhara laal bhi ab sabki tarah badaa ho rahaa hai, tumhara laal bhi ab badaa ho rahaa hai.

-

Wo baat hi kya
Jise shabdo me bayan karna pade

-

Ham to bure log hai Sahab,
Kabhi bure waqt me azma ke dekhna,
Saath khada paoge.

-

Kabhi haar ke to dekho apno se
Yakeen mano dosto
Jeet fiki lagegi unki khusi ke age.

-

Sukoon milta hai dard shabdo me bayan karke,
Roo bui leta hu or ansu bhi nahi aate.

-

Dekho agar bagiche me phool to khusbu le Lena
Prakritik sundarta pe sabka hak hai
Lekin kabhi us phool Ko na torna
Or na hi kabhi masalna tum
Mali ne bari mehnat se bara Kiya hoga
Us phool Ko kisi Bhagwan Ko Arpan karne ke liye.

-

Kahne Ko to bahut kuch hai
Lekin sunne wale
Kano ki talash hai.

-

Hai ghani kali andhiyari raat, to parwah na kar, fir sunharaa savera ayega,
Ye waqt bura chal rahaa hai, to parwah na kar,
Thoda waqt lagega lekin ye waqt bhi gujar jayega, ye waqt bhi gujar jayega........

-

Ha hua Karti thi hamari bhi galiya roshan kabhi unke gujarne se
Wo baat alag hai ki ab hamari galiyon me unke kadmon ki aahat sunai nahi deti

-