সুকন্যা ডেকা   (❀সুকন্যা)
1.4k Followers · 1.0k Following

read more
Joined 25 August 2019


read more
Joined 25 August 2019

ব'হাগ বুকুত বাজি উঠোতেই,
ক্ৰমাৎ সুৰবোৰ আহি হিয়াত থুপ খায়---
গধুলিবেলিকাৰ থুপিতৰাৰ নাচোন চাবলৈয়ে যেন..!
আপোন কুলিটিও আহি আমৰডালত জিৰাই।

ঢোলৰ ৰগৰত,পেপাৰ মাতত
ক্ৰমে ব'হাগৰ গানবোৰ বৈ আহে,
ওৰণি ফালি অহা বহাগীদিনৰ সুমথিৰা ৰঙবোৰ,
কপালত ৰঙা বেলিটি হৈ জিলিকি উঠে---।

এই বৰ্ণাঢ্যৰ যাত্ৰা যেন........
জেতুকাৰঙী আঙুলিৰ ভাঁজে -ভাঁজেই শিপাই আহে।

হৃদয়ত জোনবিৰি আঁৰি,
হালধীয়া হাঁহি এমুঠি দুগালত সানি,
কোনে সেই দূৰণিৰ পথাৰত বিহু মাৰে।।

-



ব'হাগ
********************
'ব'হাগ'ৰ বুকুতেই ফুলি উঠক,
সমস্ত খামখেয়ালিৰ মাজতো এপাহি ঐক্যতাৰ ফুল।
ব'হাগৰ বুকুতেই কোঁহ মেলক,
সকলোৰে আকাংক্ষাৰ দিনবোৰ হৈ চিৰনতুন।

ক্ৰমে ব'হাগৰ পৰা বহাগলৈ---!

ব'হাগৰ পৰা ব'হাগলৈ..,
বৈ যাওঁক এখনি সুখেধোৱা নৈ।
দুৰ হওঁক সমাজৰ অসূয়া- অপ্ৰীতি,
বাজি উঠক মাথোঁ ' ব'হাগৰ আপোন সুৰ' হৃদয়ৰ পৰা হৃদয়লৈ।।

-



▫️অযান্ত্ৰিক▫️

ভিঁজা হাতৰ মুঠিত এমুঠি সেউজ ,
হৃদয়ত সুস্থ উশাহৰ লগন...।
ৰৌদ্ৰস্নান আবেলিত শব্দৰ সোঁত.....
অনুভৱত ভাললগাৰ লহৰ।।

শুভ্ৰ হেঁপাহত জোনাক সিঁচাত,
সদ্য ব্যস্ত হৃদয়--।
আকাশত প্ৰিয় তৰাটিৰ উদয়।।
পৰিস্ফুট ---
নীলিমাৰ ছায়া ,
জোনটিৰ কবিতা---।
তৰাফুলা নিশা।।

-



যুগমীয়া কাহিনী ৰচিবলৈ...,
কিমান যে হেঁপাহ ---!
মৰমৰ উশাহত জী উঠা সপোনবোৰৰো আছে,
হাজাৰটা কল্পনা...?
সেয়েহে----




হৃদয়ে তাতেই পিন্ধিব ৰঙ জেতুকাবুলীয়া।।

-



চ'তৰ বুকুয়েদি বাগৰি যোৱা,
সেই আপোন সুবাসবোৰ...,
য'ত আছে বহু প্ৰত্যাশিত "ব'হাগ''।

যাৰ হেঁপাহত এতিয়া সেউজীয়াবোৰ নামি আহিব,
ৰঙবোৰ উঠলি উঠিব ...।
হৃদয়ৰ পৰা হৃদয়লৈ বৈ যাব এমুঠি ব'হাগৰ গান আৰু
চহা কৃষকৰ হাতৰ মুঠিত ফুলি উঠিব এমুঠি সপোন বহু আকাংক্ষাৰ ।।


-




মহাভাৰতৰ বুকুত নাৰী
***********************
"মহাভাৰত"...
অধৰ্মৰ প্ৰাচীৰ ভাঙি ধৰ্ম প্ৰতিষ্ঠাৰ প্ৰতিদাৰণ।
অনীতিৰ দুৰ্গত ন্যায় সৃষ্টিৰ বাবেই যি মহাৰণ।
যাৰ শেষত.....!
পোহৰলৈ যাত্ৰা,
'ধৰ্মৰ জয়, অধৰ্মৰ পৰাজয়ৰ' বাৰ্তা।
মহাভাৰতৰ বুকুয়েদি বাগৰি
অন্ধকাৰ দিবাৰ প্ৰান্তত খোদিত হ'ল ,
ন্যায়- নীতিৰ কাহিনীৰ তোৰণিকা।
যাৰ প্ৰতিটো পৃষ্ঠাত লিপিত খাই আছে,
নাৰীৰো ত্যাগ, সাহস আৰু বেদনাৰ মালিতা।।

অম্বা'
যি জ্বলি জ্বলি ছাই হৈছিল,
হৃদয়ত প্ৰতিশোধৰ কাৰেঙ সাজি---
যিয়ে শৃখণ্ডিনী ------------ ------ ------।

(সম্পূৰ্ণকৈ কেপচনত)

-



ফাগুন যোৱা বাটে,
ৰ'দফুলা দিনৰ কথা।
বহাগীৰ পদূলিলৈ বুলি চ'তে খোজ লওঁতেই-------
হালধীয়া ৰ'দজাকিৰ কিমান যে কল্পনা --!

-



'শতিকাৰ হেঁচাত খোদিত হ'ল....
কিছুমান কাহিনীৰ ৰঙীল আখৰা'।
দিনলিপিৰ পৃষ্ঠাত লিপিত খাই ৰ'ল সেয়েহে,
কেইবাটাও বগা- ক'লা সাধুৰ গাথা।।

এলাগী বাটটিক খামুচি কোনে শুই পৰিল...।
আধা সঁচা আধা মিছা কাহিনীবোৰ ..?
নে কেমেৰাবদ্ধ বিভিন্ন মনোৰঞ্জনৰ শিতানবোৰ....?

আধুনিকতাৰ শিপাক খামুচি,
আজিও থাকি গ'ল কিছুমান জীৱনীৰ নৃত্য-নাটিকা।
কিম্বা বিনোদনৰ দফা।

কিন্তু হেৰাই গ'ল ,
তাহানিৰ দিনৰ সেই দূৰদৰ্শনৰ----
ক'লা - বগা প্ৰতিকৃতিৰ ধাৰণা।।

-



মৌন হৈ আছো মানেই এইয়া নহয় যে, ক'বলগীয়া মোৰ একোৱেই নাই নাইবা প্ৰহেলিকাময়ী পৃথিৱীৰ জটিল প্ৰশ্নবোৰৰ উত্তৰ মোৰ হাতত নাই।
শব্দবোৰ আকাশলৈ অহৰহ মই মেলি দি আছোঁ ...! ইয়াৰ অৰ্থও এইদৰে নুবুজিব যে, প্ৰশ্ন, প্ৰতিবাদৰে জুৰুলি হৈ মই মাত্ৰ কোলাহলহে সৃষ্টি কৰি গৈ আছো।

প্ৰত্যেকৰে দৰে মোৰো এখন নিজাকৈ পৃথিৱী আছে। যিখন পৃথিৱীত 'কি হৈ আছে' বা 'কি নাই হোৱা 'নাইবা কিমান ডৰা হাঁহিত মই এমুঠিকৈ বিষ পুতি থৈছো তাৰ হিচাপ এতিয়াও কিন্তু কোনোৱে পোৱা নাই। গতিকে হিচাপবিহীনভাৱে জীৱনৰ অংক জানো ক'ৰবাত শুদ্ধ হ'ব পাৰিব..?

-



কিমান আৰু জোনাকৰ বুকুত ৰচিব সুৰেৰে সাধুকধা----
নাইবা শব্দৰে আঁকিব জীৱন মঞ্চত এখনি বিষাদৰ নাটিকা।
এমুঠি মাথোঁ সময় ময়োটো আমাৰ হোৱাটো বিচাৰো,
শুধিব বিচাৰো--
"আপোনাৰ ভালপোৱা কি".. ?

//গান নে কবিতা//

-


Fetching সুকন্যা ডেকা Quotes