Mere kuch sawal hain jo sirf kayamat k roz puchunga tumse;
kyoun ki usse pehle tumhari meri baat ho,
is layak nahi ho tum.
Main janna chahta hoon k rakib ke sath,
yuhi chalte huye bekhayali me hath takra jata hai tumhara?
Kya apni choti ungliyon se uska hath tham liya karte ho?
kya waise hi jaise mera tham liya karti thi?
Kya bata di bachpan ki sari kahaniya tumne usko?
jo raat raat bhar baith kar sunai thi tumne mujhe?
Ye kuch sawal hain mere jo sirf kayamat k roz puchunga tumse.
kyoun ki usse pehle tumhari meri baat ho,
is layak nahi ho tum.
Main puchna chahta hoon,
k kya usko bhi seene se laga k matha chumti ho tum?
jaise mera chuma karti thi?
Kya harf me uske liye bhi dua likhti ho tum?
Jaise mere liye likha karti thi?
Sard ratoon main,bandh kamre main,
Tumhari nangi peeth par harf dar harf
Maine jo nam ungliyon se likha karta tha,
aur tum nam ko pehchana karti thi.
Kya ab abhi tum yahi karti ho uske sath?
Ye kuch sawal hain mere jo sirf kayamat k roz puchunga tumse.
kyoun ki usse pehle tumhari meri baat ho, is layak nahi ho tum.

-