Naa koi zindaan, naa hi apne pairon mein zanjeer dekha,
Phir bhi jaane kyun jab aayine mein dekha to ek aseer dekha....
Husn kuch aisa ki misaalen bhi kam pad gayin hain dene ko,
Samajh lo ki main ne shahar ki tang galiyon mein Kashmeer dekha...
Jab ho gaya muntazir yeh dil uski har khabar ke liye,
Uss gali se aate har shai mein maine ek basheer dekha...
Karam tha Khuda ka ki sehatmand hua karta tha main,
Gasht-e-chashm-e-yaara dekha, phir har dawa ko be-taaseer dekha
"Aadil "Jo uski muskurahat ne bana daala iss dil ko shayar mere,
Phir kabhi naa Ghalib, naa Faiz aur naa Meer Taqi Meer dekha...
-