പെട്ടെന്നൊന്നും നിറയാത്ത എന്റെ കണ്ണിനെ കണ്ണീരാൽ നിറയിക്കാൻ അവർക്കൊരു പ്രിത്യേക കഴിവാണ്..!

-

നിരന്തരമായ അവഗണന നേരിടുമ്പോഴും,
അസ്സഹ്യമായ വിഷമം അനുഭവിക്കുമ്പോഴും,
ഒരല്പം പോലും കുറവ് വരാതെ
ആ വ്യക്തിയോടുള്ള നമ്മുടെ സ്നേഹം ദിനംപ്രതി
വർദ്ധിക്കുന്നുണ്ടെങ്കിൽ
അതിനൊരൊറ്റ അർത്ഥമേ ഉള്ളൂ....
അതെ...
"ആത്മാർത്ഥമായ പ്രണയം.."

-

നമ്മൾ പിന്നിട്ട നാൾവഴികളും നമ്മുടെ അവശതകളും നമ്മുടെ സഹനങ്ങളും മറ്റൊരാൾക്ക് കേൾക്കുമ്പോൾ അവർക്കതൊരു തമാശയായി തോന്നാം..
കാരണം അവരൊന്നും
അത്തരം അനുഭവങ്ങളിലൂടെയൊന്നും നാളിതുവരെയും സഞ്ചരിക്കേണ്ടി വന്നിട്ടുണ്ടാകില്ല..!

-

അത്രയേറെ ദുരവസ്ഥകളിലൂടെ ഓരോ നിമിഷവും കടന്ന് പോവുമ്പോഴും മനസിനേയും ശരീരത്തേയും തളർത്താതെ പിടിച്ച് നിർത്തുന്ന ഒരു കാര്യമുണ്ട്..
എല്ലാം പെട്ടെന്ന് തന്നെ ശരിയാവുമെന്ന ഒരു ശുഭപ്രതീക്ഷ..!

-

ചില അവസ്ഥകളും അനുഭവങ്ങളും അതിലൂടെ ലഭിക്കുന്ന തിരിച്ചറിവുകളും മനസിനെ ഒരു കല്ലുപോലെ ദൃഢമാക്കും..
അതും ഒരിക്കലുമൊരു മടങ്ങിപ്പോക്കില്ലാത്ത വിധം..!

-

നമ്മുടെ ഏറ്റവും വിഷമകരമായ അവസ്ഥയിൽ, നമ്മെ ഏറ്റവും കൂടുതൽ മനസിലാക്കും എന്ന് നമ്മൾ ആഗ്രഹിക്കുന്നവരുടെ ഭാഗത്തുനിന്ന് നേരിടേണ്ടിവരുന്ന കുത്തുവാക്കുകളാണ് നമ്മെ അതിലേറെ തളർത്തുന്നത്..

-

പിന്നിട്ട നിമിഷങ്ങളെല്ലാം ഇന്ന് വെറും ഓർമ്മകൾ മാത്രമാണ്..!
ഒരിക്കലും തിരിച്ചുക്കിട്ടാൻ വഴിയില്ലാത്ത സുന്ദര നിമിഷങ്ങൾ..!
ഓർമ്മകളിൽ മാത്രം ജീവിക്കാൻ വിധിക്കപ്പെട്ട വിലമതിക്കാനാവാത്ത നിമിഷങ്ങൾ..!

-

നീയെന്നുമെന്റെ ഉള്ളിലുണ്ടാവും.. ഒരിക്കലും ഉണങ്ങാത്തൊരു മുറിവുപോലെ..

-

നമ്മൾ നമ്മുടെ
ജീവിതത്തിലെ ഏറ്റവും
വിഷമ ഘട്ടങ്ങളിലൂടെയും മാനസിക സംഘർഷങ്ങളിലൂടെയും കടന്നുപോകുന്ന സമയത്ത്
ഏറ്റവും അധികം നമ്മുടെ കൂടെ ഉണ്ടാവുമെന്ന് നമ്മൾ വിചാരിക്കുന്നവർ
ഒരുപക്ഷെ നമ്മുടെ
പ്രതീക്ഷകളെല്ലാം തെറ്റിച്ചേക്കാം..

-

മറ്റുള്ളവർക്ക് വേണ്ടി നമ്മൾ എത്രയെല്ലാം നന്മ ചെയ്താലും ഒരിക്കലെങ്കിലും ഒരു തെറ്റ് നമ്മുടെ ഭാഗത്തുനിന്ന് വന്നിട്ടുണ്ടെങ്കിൽ അത് മാത്രമായിരിക്കും അവർ നമ്മെ വെറുക്കാനും ഒഴിവാക്കാനും ഉപയോഗിക്കുക.. അതുവരെ നമ്മൾ നൽകിയതെല്ലാം നിഷ്പ്രയാസം മറവിയുടെ നിലയില്ലാ കയത്തിലേക്കവർ വലിച്ചെറിയും..

-