Man bairagi, Tan anuragi, kadam-kadam dushwari hai
Jeevan Jina sahal na jano bahut badi fankari hai

Auro jaise hokar bhi hum ba-ijjat hain basti mein
Kuchh logon ka sidhapan hai, kuchh apani ayyari hai

Jab-jab mausam jhuma hamane kapade phade shor kiya
Har mausam shaista rahana kori duniyadari hai

Aib nahi hai usme koi, lal pari na phool gali
Yah mat poochho, wah achha hai ya achhi nadari hai

Jo chehra dekha wah toda, nagar nagar viran kiye
Pahale dusro se nakhush the ab khud se bejari hai
~Nida Fazl

- Yaadon ki diary