Dost kahan rahte ho tum
Dil ne puchha, dil ne hi jawab diya
Dil me bhi to rahte ho tum
Dost kahan rahte ho tum

Jab mann mera ghabrata hai
Koi veham sa aa jata hai
Ankhein bharne ko hoti hai
Jee mai malal aa jata hai
Fir ek hi message krne se jab call tumhara ata hai
Dost kahan rahte ho tum, ye yad nahi hi ata hai...

Jab ek hello sun kar hi
Dil me sukoon aa jata hai
Sare gham chhat se jate hai
Mann khud hi khush ho jata hai
Fir jab tum puchhti ho aur batao kya chal raha hai
Dost kahan rahte ho tum,ye yad nahi hi ata hai...

Jab tumhe bataya karte hai
Khud ko samjhaya karte hai
Har baat ko tumne samjha hai
Tumne hi mujhko samjha hai
Fir tum hidaytein deti ho aur hum muskaya karte hai
Dost yahi rahti ho tum, hum maan hi jaya karte hai...

- Jiski jaisi shraddha