ಆ ದಿನ ಬೇಗ ಬರಬಾರದೇ?!
ಇನ್ನೆಷ್ಟು ದಿನ ಈ ಜೈಲು ವಾಸ?
ಇನ್ನೆಷ್ಟು ದಿನ ಮಾಸ್ಕ್ ಸಹವಾಸ?
ಉಸಿರು ಕಟ್ಟಿಸುವ ವನವಾಸ?!
ವನವಿಲ್ಲದ ಕೋಣೆಯ ವಾಸ!!
ಬರಿದೇ ಹಲುಬಿದೆ ಈ ಮನಸು
ಹೊರ ಬರುವ ದಾರಿ ತೋರಿಸು..
ನಂಬಿದೆ ನಿನ್ನನ್ನು ಅನುಗಾಲ..
ಪರಿಹರಿಸು ಬೇಗ ಕಷ್ಟಕಾಲ!!

-

ನಿದಿರೆಯಲಿ ಅವಳಲಿ ಸೇರಿತ್ತು
ಅವಳ ಕಣ್ಮನದಲಿ ಸೆರೆಯಾಯ್ತು
ಅವಳು ಏಳುವುದನೇ ಕಾಯ್ದಿತ್ತು
ಎದ್ದು ಕಣ್ಣುಜ್ಜಿಕೊಂಡು ಕುಳಿತಳು
ಕಂಡ ಕನಸನ್ನು ಮತ್ತೆ ನೆನೆದಳು
ನನಸು ಮಾಡುವ ಪಣ ತೊಟ್ಟಳು
ಹಟದಿಂದ ಗುರಿಯ ಸಾಧಿಸಿದಳು
ಅವಳು ಕಂಡ ಕನಸು ನನಸಾಯಿತು
ಕನಸಿನ ನನಸಾಗುವ ಆಸೆ ಫಲಿಸಿತು
ಇಬ್ಬರ ಆಸೆಯೂ ಹೀಗೆ ಈಡೇರಿತು

-

ತಾನೊಂದು ಬಗೆದರೆ ವಿಧಿಯೊಂದು ಬಗೆಯಿತು
ಹೀಗಾಗುವುದೆಂದು ಯಾರಿಗೆ ತಿಳಿದಿತ್ತು
ಹಸೆಮಣೆ ಏರಿದಾಗ ವಿಧಿ ಕಿಸಿದು ನಕ್ಕಿತು
ಅರಿಸಿಣ ಮೈಯ್ಯ ವಧು ಕುಸಿದು ಬಿದ್ದಿರಲು
ನೆರೆದಿದ್ದ ಜನರೆಲ್ಲಾ ತಬ್ಬಿಬ್ಬಾಗಿ ನಿಂತಿರಲು
ಧಾವಿಸಿದ ಆಂಬ್ಯುಲೆನ್ಸ್ ವಧುವನೊಯ್ಯಲು
ಹೇ ವಿಧಿಯೇ ಮಿದುಳು ನಿಷ್ಕ್ರಿಯವಾಗಿರಲು
ಧೃತಿಗೆಡದೇ ಪೋಷಕರು ಅಂಗದಾನ ಮಾಡಲು
ಸಾರ್ಥಕವಾಯ್ತು ಅವಳ ಬಾಳು ಸಾವಿನೊಳು

-

ನೀನಿರದೇ ಸಮಯ ಕಳೆಯದಲ್ಲ
ಸೂರ್ಯನೂ ಬೇಸರಿಸಿದಂತಿದೆಯಲ್ಲ
ಇರುಳು ನಿದಿರೆ ಹತ್ತಿರ ಸುಳಿಯದಲ್ಲ
ಏನೋ ತಳಮಳದಲಿ ಬಳಲಿದೆನಲ್ಲ
ಬೇಗನೇ ಹಿಂತಿರುಗಿ ಬಾ ನನ್ನ ನಲ್ಲ
ಇನ್ನೂ ಈ ವಿರಹ ಸಹಿಸಲಾರೆನಲ್ಲ
ನಿನ್ನ ತೋಳಲಿ ಸೇರಿ ಮರೆವೆನೆಲ್ಲ
ಇನ್ನು ದೂರ ಹೋಗುವ ಮಾತೇ ಇಲ್ಲ
ನಿನ್ನ ನೆರಳಂತೆ ನಾ ಇರುವೆನಲ್ಲ
ಬಾಳ ಸಂಗಾತಿಯಾಗಿ ಬರುವೆನಲ್ಲ
— % &

-

ನನ್ನ ತನು ಮನಗಳಲ್ಲಿ ನೀ ತುಂಬಿರುವೆ
ಹೆಚ್ಚೇನು ಹೇಳಲಿ ನನ್ನ ಉಸಿರೇ ಆಗಿರುವೆ
ಆಸರೆ ತಪ್ಪಿದ ಬಳ್ಳಿಯಂತೆ ನಾನಿರಲು
ನೀ ಬಂದೆ ಈ ಬಾಳಿಗೆ ಆಸರೆಯಾಗಲು
ಚಿಗುರೊಡೆದಿದೆ ಬಳ್ಳಿ ಆಸರೆ ಸಿಗಲು
ದುಂಬಿಯಾಗಿ ನೀ ಕಂಪ ಮೂಸಿರಲು
ಮೂಡಿದೆ ಮನದಲಿ ಆಸೆಯ ಹೂಗಳು
ಹೀರು ಬಾ ಮಕರಂದವ ಸೇರಿ ನನ್ನೊಳು
ಸೇರಿ ಒಂದಾಗುವ ಕಾತುರ ನಿನ್ನೊಳು— % &

-

ನೆನೆಯೋಣ ಯೋಧರ ತ್ಯಾಗವನ್ನ
ದೇಶಕ್ಕಾಗಿ ಪ್ರಾಣ ತೊರೆದವರನ್ನ
ಇಂಥ ಮಕ್ಕಳ ಹೆತ್ತು ದೇಶಕ್ಕೆ ಇತ್ತವರನ್ನ
ಆ ತಾಯಿಗೂ ಸಲ್ಲಲಿ ನಮ್ಮ ನಮನ
ವೀರ ಯೋಧರಿವರು ಗಡಿ ಕಾಯಲು
ದೇಶ ವಾಸಿಗಳೆಲ್ಲಾ ನಿಶ್ಚಿಂತರಿರಲು
ಶಬ್ದಗಳಿಲ್ಲ ಇವರ ತ್ಯಾಗ ಬಣ್ಣಿಸಲು
ಹೇಳೋಣ ಮನತುಂಬಿ ಜೈ ಜವಾನ್
ಚಿರ ಶಾಂತಿ ನೀಡು ಹೇ ಭಗವಾನ್— % &

-

ಇರುವ ಮನವ ಕೊಡು ದೇವಾ
ಸತ್ಯ ನೀನೆಂಬ ಅರಿವು ಕೊಡು ದೇವಾ
ನಿತ್ಯ ನಿನ್ನ ಪೂಜಿಪ ಭಕ್ತಿ ಕೊಡು ದೇವಾ
ಕತ್ತಲೆಗೂ ಹೆದರದ ಶಕ್ತಿ ಕೊಡು ದೇವಾ
ಜಗವೆಲ್ಲ ಮಿಥ್ಯವೆಂಬ ಅನನ್ಯ ಭಾವ
ನನ್ನದೇನಿಲ್ಲ ಎಂಬ ವಿನೀತ ಭಾವ
ಎಲ್ಲರಲಿ ನೀನಿಹೆ ಎಂಬ ಪುನೀತ ಭಾವ
ಬಡವರಿಗೆ ಕೈ ಬಿಚ್ಚಿ ಕೊಡುವ ತ್ಯಾಗ ಭಾವ
ಬಚ್ಚಿಟ್ಟಿದ್ದು ಪರರಿಗೆಂಬ ವೈರಾಗ್ಯ ಭಾವ
ಮುಕ್ತಿ ಪಥಕೆ ಮಾರ್ಗವ ತೋರು ನೀ ದೇವಾ

-

ಬದುಕೇ ಒಂದು ಪರೀಕ್ಷೆ ಆಗುತ್ತಿತ್ತು
ಕತ್ತೆಯೂ ಕುದುರೆಯೂ ಒಂದೇ ಆಗುತ್ತಿತ್ತು
ಬದುಕೇನೋ ಹೇಗೋ ನಡೆಯುತ್ತಿತ್ತು
ಚದುರಂಗದಾಟದಂತೆ ಭಾಸವಾಗುತ್ತಿತ್ತು
ರಾಜನಿಗೆ ದಿಗ್ಬಂಧನವಾಗುತ್ತಿತ್ತು
ಸಾಗುವ ದಾರಿ ಕಠಿಣವಾಗುತ್ತಿತ್ತು
ಪರೀಕ್ಷೆ, ಮೌಲ್ಯಮಾಪನ ಇರಲೇಬೇಕು
ಯಾರ್ಯಾರ ಯೋಗ್ಯತೆ ಏನು ತಿಳಿಯಬೇಕು
ಯೋಗ್ಯರಿಗೆ ಸ್ಥಾನ ಮಾನ ಸಿಗಲೇಬೇಕು
ಆರೋಗ್ಯಕರ ಸ್ಪರ್ಧೆ ಬೆಳೆಯಬೇಕು

-

ಹಲವು ಮುಖವಾಡಗಳು
ಜನರ ಮರುಳು ಮಾಡಲು
ಅವರ ಕಾರ್ಯ ಸಾಧಿಸಲು
ಇನ್ನಿಲ್ಲದಂತೆ ನಂಬಿಸಲು
ಬೆನ್ನಿಗೆ ಚೂರಿ ಹಾಕಲು
ಕೆಲವೊಮ್ಮೆ ಹೊಟ್ಟೆ ತುಂಬಿಸಲು
ಉದರ ನಿಮಿತ್ತ ಬಹುಕೃತ ವೇಷ
ಒಮ್ಮೊಮ್ಮೆ ಇಲ್ಲಿಲ್ಲ ಮರೆ ಮೋಸ
ದಾಸರೇ ಹೇಳಿದ ಹಾಗೆ
ಎಲ್ಲಾರು ಮಾಡುವುದು ಹೊಟ್ಟೆಗಾಗಿ

-

ಸಾಂತ್ವನ ಹೇಳುವರಿಲ್ಲ
ಇರುಳಿನ ಏಕಾಂತತೆ ಭಯವಾಗಿದೆಯಲ್ಲ
ನಿನ್ನ ಸಾನ್ನಿಧ್ಯದಲಿ ಯಾವುದೇ ಚಿಂತೆ ಇಲ್ಲ
ನಿನ್ನೆದೆಯಲಿ ಮುಖ ಹುದುಗಿಸಿ ಹಾಯಾಗಿರುವೆನಲ್ಲ
ಬೇಡವೆಂದರೂ ಕೇಳದೇ ತವರಿಗೆ ಹೋದೆಯಲ್ಲ
ನಿನ್ನಗಲಿ ಅರೆ ಗಳಿಗೆ ಇರಲಾಗದಲ್ಲ
ಗೆಳೆಯರ ಗುಂಪು ಅಲೆದಾಟ ಬೇಡವಾಗಿದೆಯಲ್ಲ
ಅದೆಂತಹ ಮೋಡಿಯ ಮಾಡಿರುವೆ ನಲ್ಲೇ
ಇನ್ನು ತಡ ಮಾಡದೇ ಹಿಂತಿರುಗು ಇಲ್ಲೇ

-