നിന്റെ
പുഞ്ചിരിയിലാണിനിയെന്റെ
പ്രതീക്ഷ... !

-

ജീവിതത്തിന്റെ നിസ്സാരതകളിൽ നിന്നുയരുന്ന ചോദ്യങ്ങളിൽ നിസ്സഹായരായി നിൽക്കുന്നവനത്രേ മനുഷ്യൻ... !!

-

ഈ ലോകം അത്രമേൽ ക്രൂരമല്ലെന്റെ കുഞ്ഞേ
ഇടയിലെപ്പോഴോ വഴിമാറിപ്പോകുന്നതിനും നിശ്ചയം... !

-

ഒരു കാലം കഴിഞ്ഞാൽ
വൃക്ഷങ്ങൾ ഇല പൊഴിക്കും,
വേരുപടലം അടുത്തു കൂടും,
ശിഖരങ്ങൾ തലതാഴ്‌ത്തും
പിന്നെ പതിയെ പിൻവാങ്ങും...
ഇനിയൊരു വസന്തത്തെ അത് കാത്തിരിക്കുകയില്ല...

-

ഒരു വരിയിൽ ഒരു വാക്കിൽ
ഒതുങ്ങുന്ന എത്ര കഥകളാണെന്നോ
അവൾ പറയാതെ ബാക്കി വെച്ചത്... !

-

ആരൊക്കെ എത്രയൊക്കെ
ശാഠ്യം പിടിച്ചാലും
പ്രണയം
എന്നും ഒരൽപ്പം
പൈങ്കിളി തന്നെയായിരിക്കും...

-

ചിലരുടെ

-

ഞാനങ്ങ് നന്നായാലോയെന്ന് ആലോചിക്കുവാ...

-

കൊരുത്തെടുത്ത മുല്ലപ്പൂ മാലയ്ക്കും പൊന്നുരുക്കി പണിയിച്ച മുക്കൂത്തിക്കും കരിമഷിയെഴുതി കറുപ്പിച്ച കണ്ണുകൾക്കും
നെറ്റിയിൽ തൊടുവിച്ച സിന്ദൂരത്തിനുമപ്പുറം അവളെ മനസ്സിലാക്കിയിട്ടുണ്ടോ നീ?

-

മഞ്ഞു തൂകിയ ആ
ധനു മാസപ്പുലരിയിൽ
മഞ്ഞിൻ ചേലയണിഞ്ഞ
പുൽമേട്ടിലേക്ക്
ഓർമ്മകളിൽ പൊതിഞ്ഞൊരു
കൊച്ചു യാത്ര
ഏറുന്ന ചൂടിൽ
നീറുന്ന പകലിൽ
ഉരുകുന്ന ഉള്ളുമായ്
പുല്ലരിയുന്നൊരു സ്ത്രീ
ചുറ്റിയുടുത്തവൾ മാറാപ്പിലായി
അതിൽ ജീവന്റെ ജീവനും
സ്വപ്നങ്ങളും
കാണുന്നു ഞാനതിൽ
രണ്ടോമനപ്പാദങ്ങൾ
നൂപുരമണിയും അതിൻ ധ്വനിയും
ചുണ്ടിലപ്പോഴും മൂളുന്നുണ്ടവൾ
പണ്ടെന്നോ ഉരുവിട്ടു
പഠിച്ചൊരാ കാവ്യശകലം...!

-