ಹೃದಯದ ಹಕ್ಕುಪತ್ರವ ಅವನ ಕೈಗಿತ್ತ
ಮೇಲೂ ಅವನೊಲವಿನ ಸಾಲ ಮಾತ್ರ
ಹೆಚ್ಚುತ್ತಲೇ ಇದೆ

-

ಪರಿಕಲ್ಪನೆಗಿಂತಲೂ ಪರಿಪೂರ್ಣವಾಗಿ
ಮೂಡಿ ಬಂದ ಚಿತ್ರಪಟ
ಅವನು ಮನದ ಗೋಡೆಯ ಮೇಲೆ.

-

Perhaps the current hardships are not satisfied for 'few animals who are in disguise of humans.'we can not call them as humans any more.
The land which is known for literacy and divine,but today the same land is accepting we deserve for corona, natural calamities,and all the extreme sadness till this animals are not realising the value of life.
May the innocent soul find some peace.

-

ವ್ಯಾಕರಣದ ಅಧ್ಯಯನ ಅವಶ್ಯಕ ಅನ್ನುವದಕ್ಕಿಂತ
ಅದು ನಮ್ಮ‌ಬರಹಕ್ಕೆ ಬಲವನ್ನು ತುಂಬತ್ತದೆ ಎನ್ನುವುದು ನನ್ನಸಿಕೆ

ಒಂದು ಹೆಣ್ಣು ಎಷ್ಟೇ ಶೃಂಗಾರ ಮಾಡಿಕೊಂಡರು
ಹಣೆಯಲ್ಲಿ‌ ಕುಂಕುಮವಿಟ್ಟಾಗ ಹೇಗೆ ಅವಳ ಅಂದ ನೂರ್ಮಡಿಗೊಳ್ಳುತ್ತದೆಯೋ ಹಾಗೆ ವ್ಯಾಕರಣಬದ್ದ ಬರಹಗಳು ಕೂಡ.ನಾವು ವ್ಯಾಕರಣವನ್ನು ಅರಿತಷ್ಟು ಭಾಷೆಯ ಬಗೆಗೆ ಆಸಕ್ತಿ, ಹಿಡಿತ ಹೆಚ್ಚಾಗುವದಂತು ನಿಜ.

-

ಮೊದಲನೆಯ ದಿನ ,ಕಣ್ಣವೆಯ ಕದಲಿಸದೆ,
ಅವನು ಮಾಡಿದ್ದ ದೃಷ್ಟಿಯುದ್ಧ

-

ಮರಳಿ ಬಾರದಿರು ಮನದ ಮನೆಗೆ,
ಮತ್ತೆ ತೊರೆದು ಹೋಗುವವನಾದರೆ.

ಒಲವ ಮಳೆಯ ಸುರಿಸದಿರು ಎನಗೆ,
ವಿರಹದುರಿಗೆ ನೂಕಿ ಸುಮ್ಮನಾಗುವುದಾದರೆ.

ಕ್ಷಮೆಯನಂತೂ ಕೇಳದಿರು ಹೆಸರಿಗೆ,
ನನ್ನ ನೋವಿನ ತೀವ್ರತೆ ನೀನರಿಯದವನಾದರೆ.

ತಪ್ಪುಸರಿಗಳ ವರದಿ ವಿವರಿಸದಿರು ನನಗೆ,
ಕಣ್ಣ-ಹನಿಗಳ ಲೆಕ್ಕ ಕುಳಿತು ಕೇಳದವನಾದರೆ.

ನೆನೆದು ಕಣ್ಣೀರಾಗದಿರು,ಮನವಿಯಿದು ನಿನಗೆ,
ನಿನ್ನನ್ನೇ ಕಾಯುತ್ತಿರುವೆನಂದು ನಂಬುವುದಾದರೆ.

-

ಆಡದೆ ಉಳಿದ ಮಾತುಗಳು
ಬೂದಿ ಮುಚ್ಚಿದ ಕೆಂಡದಂತಿರುವಾಗ,

ತಲುಪಲಾಗದ ಭಾವಗಳು
ಸೋಲಪ್ಪಿಕೊಳ್ಳಲಾಗದೆ ಬಿಸಿತುಪ್ಪವಾದಾಗ,

ಪ್ರಾಮಾಣಿಕ ಪ್ರೀತಿ- ಸ್ನೇಹಗಳು
ಅಸಮಾಧಾನದ ಕಳ್ಳಸಂತೆಯಲ್ಲಿ ಕಳುವಾದಗ.

-

ನನ್ನ ಮಿತಿಯಿಲ್ಲದ ಹುಸಿಕೋಪಕೆ ಕಾರಣನಾಗಿ,

ನಿಷ್ಕಲ್ಮಶ ನಿಜಪ್ರೀತಿಗೆ ನೀ ಪ್ರೇರಣವಾಗಿ,

ಬಾಳಹೋಳಿಗೆಗೆ ಸವಿ ತುಂಬಿದ ಹೂರಣವಾಗಿ,

ಒಲವಿನ ತಲೆಬಾಗಿಲಿಗೆ ಕೊರೈಸುವ ತೋರಣವಾಗಿ,

ನೆಮ್ಮದಿಯ ಬದುಕಿಗೆ ಬೆಳಕಾದೆ ಪ್ರೇಮ ಪಾರಯಣವಾಗಿ

-

ಕಂದಾಯ ಕಟ್ಟಬೇಕಾಗಿದೆ ಕಣ್ಣಹನಿಗಳು
ಮಾತಿನಲಗು ಮನಸನ್ನು ಛೇದಿಸಿದ್ದಕ್ಕಾಗಿ.

-

ನಿರೀಕ್ಷೆಗಳೆಲ್ಲ ನಿರಾಸೆಗಳಲ್ಲಿ ಕೊನೆಗೊಂಡಾಗ,
ಪ್ರೀತಿ ಭರವಸೆಯಾಗಿಯೇ ಉಳಿಯಬಹುದೇ
ಹೊರತು ಬದುಕಾಗಲು ಸಾಧ್ಯವಿಲ್ಲ.

-