Ulat ke dekha
Palat ke dekha
Takiye ko zor zor se
Khangaal kar dekha
Kahin bhi toh mili nahi mujhe!
Ghanton main dhoondthi rahi
use safaed safon ke beech,
phoolon aur darakhton ke beech,
pahadon aur kinaaron ke beech.
kahin koi suraag nahi mila!
Thak haar kar jab maine sone ke liye
takiye pe sar rakha toh,
mil gayi naachti gaati hui mujhe,
nazmein jo zehan mein thi,
par zubaan pe aane se katraa rahin thi.
Shaayad mere takiye mein tehkhana hai koi,
jahan saara din yeh nazmein band rehti hain,
aur raat ke khaamosh andhere mein
yeh chupke mere kaanon mein aake shor karti hain!
-