11 വർഷങ്ങൾക്ക് മുമ്പുള്ള ഒരു ക്രിസ്മസ് കാലം.മഞ്ഞ് കാരണം തുമ്മൽ കൂടിയതിനാൽ സെറ്ററും സ്കാർഫ് ഒക്കെ ഇട്ട് സ്കൂളിൽ വന്നോണ്ടിരുന്ന ഏഴാം ക്ലാസുകാരിയെ കൗതുകത്തോടെ നോക്കുന്ന കുറച്ച് പേർ...മഞ്ഞിനേക്കാട്ടിലും വേഗത്തിൽ കൂട്ടുകാരുടെ കളിയാക്കലുകൾ അവളെ പൊതിയാൻ തുടങ്ങിയിരുന്നു, ഭാഗ്യത്തിന് ക്രിസ്മസ് അവധിക്കു സ്കൂൾ അടയ്ക്കുകയാണ്, ഇനീപ്പോ ഫുൾ ടൈം ടിവി, കളി, ഒക്കെ ആയി അടിച്ച് പൊളിക്കാമെന്നോർത്ത് ത്രില്ലടിച്ചിരിപ്പാണ്. മെലഡിയും ബാലരമയും കൊണ്ട് വരുന്ന അച്ഛായി ഇത്തവണ പുതിയ ഒരു പുസ്തകം കൂടി ബാലരമയക്കൊപ്പം നീട്ടി - മാലി രാമായണം. പുസ്തകമൊന്ന് വായിക്കാതെ പുറം താൾ കണ്ട പാടെ കൈയ്യിലിരുന്ന മെലഡി വാങ്ങി വായിലിട്ട് അവധി കിട്ടിയത് കളിക്കാനാണ് പഠിക്കാനല്ലെന്ന് പറഞ്ഞ് തനിക്ക് നേരെ നീട്ടിയ പുസ്തകം അല്പം ദേഷ്യത്തോടെ വാങ്ങി നടന്നു നീങ്ങിയ നിമിഷമിന്നൊർക്കുമ്പോൾ ചിരി വരും. ചാരുകസേരയിലിരുന്ന് അടുത്ത മിഠായിയും വായിലിട്ട് നുണഞ്ഞ് ആസ്വദിച്ചപ്പോൾ എന്നാപ്പിന്നെ പുസ്തകമെന്താണെന്നൊന്ന് വെറുതെ നോക്കിയേക്കാമെന്ന് കരുതി ഒരു പേജ് വായിച്ചു നോക്കി, പിന്നീട് പുസ്ത താളുകൾ മറഞ്ഞുകൊണ്ടേയിരുന്നു, അവസാനമന്ന് പുസ്തകം വായിച്ച് തീർന്നപ്പോളുണ്ടായ സന്തോഷമിരട്ടി. കുട്ടികളുടെ ഭാഷയിൽ വളരെ ലളിതമായ ശൈലിയിലുളള അവതരണത്തിൽ മാലി രാമായണം വേറിട്ട് നിൽക്കുന്നു. ആരോ വന്നു കഥകൾ പറയുന്നതു പോലെയുളള ആഖ്യാനരീതി.മാലി ജന്മവാർഷികത്തിൽ അദ്ദേഹത്തെ സ്മരിക്കുന്നു

-

I loved you for what you were and realising whom you are is the reason for my hatredness too

-

പ്ലേറ്റോ പറഞ്ഞതുപോലെ സൗന്ദര്യം എന്നത് കാണുന്നവന്റെ കണ്ണുകളിലാണ്. അതിനർത്ഥം സൗന്ദര്യം സ്വന്തമായി നിലനിൽക്കുന്നതല്ല, മറിച്ച് നിരീക്ഷകൻറെ സൃഷ്ടി എന്ന് പറയാം. അമ്പിളിഅമ്മാവനെ നോക്കി നിൽക്കാത്തവരായിട്ടാരും ഉണ്ടാവില്ല. അമ്പിളിമാമനെ നോക്കുമ്പോൾ ഉളളിൽ ചിലപ്പോൾ മുയലിന്റെ രൂപം കാണാൻ പറ്റും, വേറൊരാൾക്ക് ഗാന്ധിജിയാവാം, മറ്റൊരാൾക്ക് ഇന്ത്യയാവാം ഇതൊന്നുമായിരിക്കില്ല ചൂലും കൊണ്ട് പതുങ്ങിയിരിക്കുന്ന മുത്തശ്ശി ആയിരിക്കാം. അങ്ങനെ ഒരേ കാര്യം തന്നെ വിവിധ രീതിയിൽ സമീപിക്കാം. ഒരേ സൗന്ദര്യത്തിന്റെ വ്യത്യസ്ത വീക്ഷണങ്ങൾ എന്നും പറയാം. എന്ന് കരുതി തൻ്റെ സൗന്ദര്യബോധം മാത്രമാണ് ശരിയെന്നു ചിന്തിക്കുന്നതിനോട് തീർത്തും വിയോജിക്കുന്നു...

-

ഹൃദയം കവർന്നവൻ....(3)

ഈ മഴയത്ത് കൈക്കുമ്പിളോളം മാത്രമുളളവൻ എവിടെ പോയി കാണും, അവനും വിശക്കുന്നുണ്ടാവും എന്ന് പറഞ്ഞു 🙋🏻‍♀️ വിഷമിച്ചിരുന്ന നേരത്ത് അതിനെന്താ നമുക്ക് വേണെ ബിസ്കറ്റ് വല്ലോം മേടിച്ച് കൊടുക്കാം എന്ന് അപർണ സാർ പറഞ്ഞപ്പോൾ സന്തോഷമായി, എന്നാൽ കിട്ടു അപ്പോഴേക്കും എങ്ങോട്ടോ നടന്നുപോയി കഴിഞ്ഞിരുന്നു...ആഴ്ചകൾ കടന്നു പോയി..... ഇന്ന് വീണ്ടും അവനെ ഓഫീസിൻറെ മുമ്പിൽ കണ്ടപ്പോൾ എന്തോ മനസ്സിനൊരു പിടച്ചിലായിരുന്നു, ഏതോ വണ്ടി തട്ടി ഈച്ചകൾ പൊതിയുന്ന അവൻ്റെ രൂപവും ആദ്യമായി അവനെ കണ്ട ദിവസവും മനസ്സിലിങ്ങനെ മാറി മാറി വന്നു കൊണ്ടിരുന്നു...ഏതോ ഒരു പൂച്ച അല്ലേ, അത് പോയെങ്കിൽ എന്താ എന്ന് ചിന്തിക്കുമ്പോൾ....ഈ പൂച്ചയെ കാത്തിരിക്കണ ഒരു അമ്മപൂച്ചയോ/അച്ഛൻപൂച്ചയോ ഇണ്ടാവാം ചിലപ്പോൾ ഇല്ലായിരിക്കാം, എന്നാലും നമ്മുടെ പ്രിയപ്പെട്ടവരെ കണ്ടില്ലെങ്കിൽ അല്ലെങ്കിൽ നഷ്ടപ്പെട്ടാൽ എത്രമാത്രം നിങ്ങളുടെ ഹൃദയം നുറുങ്ങുന്ന പോലെ അനുഭവപ്പെടുമെന്ന് ഒന്ന് ചിന്തിച്ചു നോക്കൂ.. നമ്മൾ വണ്ടി ഓടിക്കുമ്പോൾ കുറച്ച് ശ്രദ്ധിച്ച് ഓടിച്ചാൽ ഒരു ജീവൻ രക്ഷിക്കാൻ കഴിയും... വണ്ടി ഇടിച്ചിട്ടു കഴിഞ്ഞു അതിനെ ഒന്ന് എടുത്തു മാറ്റാതെ പോയ ആരുടേയോ മനസ്സ്.... ഇന്നത്തെ ദിവസം അത്രമേൽ എൻ്റെ മനസ്സിനെ പിടിച്ചുലച്ചപ്പോളാണ് ഒറ്റ ദിവസം കൊണ്ട് എൻ്റെ ഹൃദയം കവർന്നവനാണ് നീയെന്നെനിക്ക് മനസ്സിലാക്കിയത്....

-

ഹൃദയം കവർന്നവൻ.... (2)
പിന്നെ അവന് ഓഫീസിനുളളിലോട്ട് ഒരു കുതിപ്പായിരുന്നു... നോക്കി നിൽക്കെ കമ്മിറ്റി റൂമിലെത്തി ആശാൻ, ആശാനെ കണ്ട സെക്രട്ടറി സുമേഷ് സർ പതിയെ എഴുന്നേറ്റ് പുള്ളിയെ പുറത്തോട്ട് വിടാനെന്നൊണം ഡയറക്ട് ചെയ്തു കൊണ്ട് പോകുന്ന കണ്ടു, പൂച്ചക്കുട്ടൻ ഓഫീസിന് പുറത്തെത്തിയ ആശ്വാസത്തിൽ പഞ്ചായത്ത് ഓഫീസിലേക്ക് മെയിൻ എൻട്രൻസ് വാതിൽ ചാരിയെന്നു ഉറപ്പാക്കിയ സർ കമ്മിറ്റി ഹാളിലേക്ക് നടന്നു നീങ്ങിയതും പൂച്ചക്കുട്ടൻ ജനാല വഴി അകത്ത് കടന്നപ്പോൾ ഇത്തവണ അതിന് സതീശൻ ചേട്ടൻ സാക്ഷിയായി 🥲 ആ ഒരേയൊരു കാരണം കൊണ്ട് സതീശൻ ചേട്ടൻ ഓടി വന്നെൻറെ കിട്ടുപൂച്ചയെ(അപ്പോഴേക്കും ഞാൻ അവന് കിട്ടു എന്ന് പേരിട്ടു കഴിഞ്ഞിരുന്നു) പുറത്താക്കി ജനലിന്റെ താഴ് വശം അടച്ചു🥺 എങ്കിലും ചില കിളികൾ അതിൻറെ നിഴൽ കാണുമ്പോൾ വാതിലേൽ ചാടണ പോലേ കിട്ടു തൻറെ പൂർവാധികം ശക്തിയോടെ അകത്ത് കടക്കാൻ നോക്കിയെങ്കിലും കഴിഞ്ഞില്ല, ഓരോ തവണ ജനലേൽ വന്ന് മുട്ടുമ്പോഴും പരാജയപ്പെട്ടെങ്കിലും വീണ്ടും ഉഷാറായി വരുന്ന അവന് എനിക്കന്ന് കൗതുകകരമായി തോന്നി. തൻറെ ശ്രമം പരാജയപ്പെട്ടപ്പോൾ ആകാം അവൻ പഞ്ചായത്താഫീസിൻറെ മുന്നിൽ ചുരുണ്ടുകൂടി ഇരുപ്പായി🐱🥰 ബ്ലോക്കിൽ പോയി വന്ന റെയ്നു ചേച്ചി അവനെ കളിപ്പിക്കണതാണ് അന്ന് അവസാനമായി കണ്ടത്...

-

ഹൃദയം കവർന്നവൻ.....
ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി നടക്കുന്ന ഒരു ദിവസം.. സത്യം പറഞ്ഞാൽ അന്ന് പ്രദീപ് സാറായിരുന്നു ഫ്രണ്ട് ഓഫീസ് ഡ്യൂട്ടി വരുന്നത്, കമ്മിറ്റി കാരണം ഞങ്ങളന്ന് ഡ്യൂട്ടി എക്സ്ചേഞ്ച് ചെയ്തു. സമയം ഏകദേശം പതിനൊന്നര ഒക്കെ കഴിഞ്ഞു കാണും, അതുവരെ നമ്മളെ നോക്കി മോണകാട്ടി ചിരിച്ച സൂര്യേട്ടൻ🌞 അങ്ങ് പോയാച്ച്, മഴയെന്നു പറഞ്ഞാൽ നല്ല ഇരുൾ മൂടി കെട്ടിയ മഴ🌧️ആ നേരത്താണ് ഫ്രണ്ട് ഓഫീസിലിരുന്നപ്പോൾ എവിടുന്നോ ഒരു മ്യാവൂ ശബ്ദം🙂 സാധാരണ പൂച്ചക്കുട്ടൻറെ ശബ്ദം ഇണ്ടാക്കി എല്ലാരേം പറ്റിക്കണത് ഞാനായത് കൊണ്ടാവാം സംശയരൂപേണ മാത്യു ചേട്ടൻ എന്നെ ഒന്ന് നോക്കിയത്😄 വീണ്ടും വീണ്ടും ശബ്ദം കേട്ടപ്പോളുണ്ട് കസേരയുടെ കീഴിൽ ചെറിയ ഒരു അനക്കം.... നോക്കിയപ്പോഴല്ലേ ആളെ കണ്ടത്... ഒരു ഇത്തിരികുഞ്ഞൻ പൂച്ചക്കുട്ടൻ🥰🐱 ഓടി ഓടി ആ മുറിയിൽ നടക്കുന്നു, ജനാലയിലൂടെ ചെറിയ പടിതട്ടിലൂടെ ചാടി കടന്നവൻറെ ഹീറോയിസം കണ്ടിട്ട് തച്ചോളി ഒതേനൻറെ ടീമാണെന്ന് വരെ തോന്നിയ നേരം😁

-

Life isn't a stage to be acted upon just as bard of Avon says cause it's to be lived if it's as you like it.

-

ശൈവചാപ ഭഞ്ജനമാം
അരുണോദയ വിസ്മയത്തിൽ
നിനക്കായുളള വരണമാല്യം
ജീമൂതത്താൽ മറഞ്ഞിരിപ്പൂ

-

move away like a moon that bids farewell to the sky each night with the star being a witness for it...

-

ദലമർമ്മരങ്ങളെ നോക്കി
നിർവികാരമായ് കിടക്കുന്ന മണ്ണിന്റെ
ഏകപക്ഷീയമാം പ്രണയത്തിൻ
മാരുതനൊരു സാക്ഷിയായ് നിൽപ്പൂ

-