Kavita kaise likhte hain?

Ek arsa beet gaya ho jab
aur khayal ubhar-kar ungliyon tak naa aate ho,
toote phoote shabd kuchh dare hue,
kaanpte se,
Boodhe Nana ki hotho jaise,
apne andar jazbaato ke granth sambhaale hue,
jab dil ki pardo se jhaankte hain
aur unhe binbulaaye mehmaano ki tarah tum chaukath se hi vida kar dete ho,
to in haalat me, tumhaare panne khaali dikhte hain,
jab khaali ho insaan koi,
tab kavita kaise likhte hain?

- The Broken Clock