Tere bacchon se main kya hi kehelaaoonga,
tere bacchon ke liye main kya hi tofaah laaoonga..
jab bhi wo mere saath khelne ki zidd karein, unhe khelne dena,
kyunki maa ka khilona, main, shayad unhe bhi be-hadd pasand aaoonga..

-

Ye kesa ajab sa manzar aaya karmo ke anjaam ka,
din hai ye parikhsha ke parinam ka..
Kuch to alag baat hai iss din mein jahan koi khushi se naach raha hai,
aur koi pi raha hai kadwa ghoont jaam ka..

-

Sheet leher si thi wo,
aandhi ki tarah aayi, toofaan ki tarah chali gayi..
Khud gayi to gayi,
zindagi mein sannaatta karke chali gayi..

-

Kabhi dil laga kar sunna tum mujhe, tumse kehene ko kuch fariyaad baaki hai..
Tumne jo apni aadat lagwaayi, meri rooh se wo aadat mitaana baaki hai..
Dil bhale hi na milein ho, mere dil se tumhaara naam hataana baaki hai..
Tum jo kabhi kareeb aa kar muskuraaye the, yaadon se wo muskan bhulaana baaki hai..
Mere dil ke makaan mein jo tum rehe rahe ho, uss makaan ka kiraaya chukaana baaki hai..
Jo mohobbat humne tum par luta di, unn sabka hisab karna baaki hai..
Khel jo tumne mere dil se khela, uss jeet ka inaam tumhe dena baaki hai..
Tumhe paane ki jo zidd hai, iss zidd ka bachpana gawaana baaki hai..
Kehene ko bahaut kuch hai zehen mein lekin fir bhi tumhaari zindagi ke liye ek dua maangni baaki hai..
Khuda kasam, khoobsurat to bahaut ho tum lekin, tumko ek baar dil se bewafa kehena baaki hai..

-

Meri har subha ka pehela khayaal ho tum,
na muqammal ho saka wo ek khoobsurat sa khwab ho tum..
Aisi buri aadat lagwaayi tumne apni, ab zindagi se chali bhi jao,
kyunki jitni zyada zeher usse kayi zyada zeherili yaad ho tum..

-

Ek hi naazuk sa dil hai, kitni dafa ise yoon todoge,
katra-katra karke jazbaaton ko kitna nichordoge..
aakhir tishnagi kya hai tumhaari, saaf-saaf kehe kyun nahi dete,
aise hi maan jaaoge ya jaan lekar hi jaan chordoge..

-

Na jaane kitne chehre dikhaaye the tumne,
na jaane kitne chehre chupaaye the tumne..
Par mera dil bhi kambhakt aayaa uss chehre par,
jo chehra kabhi tumhaara tha hi nahi..

-

Aaj fir ek mulaqat karte hain,
aaj fir kuch beete pal yaad krte hain..
Mohobbat tujhse se thi, hai aur humesha rahegi,
hum kuch ni karte ab jo bhi karte hain dil mein base jazbaat krte hain..

-

Na jaane kyun be-wajah mohabbat ab unse hum kar rahe hain,
na jaane kyun unke jaane par bhi intezar unka hum kar rahe hain..
rukja ae mere dil, wo ja chuki hai,
na jaane kyun unke saath bitaaye lamhe, har pal hum tasveero mein ginn rahe hain..

-

Baatein to bahaut hoti hain teri,
magar teri baaton ko ab mene hawa kar diya..
Meri taraf se azaad ho tum, khush raho,
kyunki tere saath, tujhse lagi aadaton ko bhi mene zindagi se ab dafa kar diya..

-