Jab laga muje kuch kam mila bhagwan se, maine unhe dekh liya..
Jab laga mera khane ka mann naa kiya, maine unhe dekh liya..
Khane me ye nahi pasand, wo nahi pasand..
Aise nakhre jab-jab kiye, tab-tab maine unhe dekh liya..
Kharidaaari karne jab chale hum..
Tab raah me maine unhe dekh liya..
Ye old fashion hai..
Ye jach nahi raha mujpar..
Samajh nahi aa raha lu kya..
Yaar, ye bas 999/- ka hai..
Jab wo aaye hath faila kar 10 rupaye ki umeed liye, maine unhe dekh liya..
Kaun hai ye..
Kyu aa jaate hai humara raasta rokne..
Toh kehti hu aaj ik baat..
Ye hai hindustan ke wo log, jo nahi kar paa rahe ucch suvidhaao ka bhog..
Koshish karo..
Paise nahi toh izzat hi do..
Wo chotu..
Wo raamu kaka..
Wo kaanta baai..
Naam kuch sune-sune lagte hai..
Chalo chhodo ye baate, ye toh hai aate-jate..
Boriyat bhari zindagi me bhaar kyu lena..
Chalo kal deadpool lagi hai wahi dekh lena..
Are yaar, chalo jaao bhi ab..
Kehna hi kya..
Khush hai wo tumse jyada..
Kyuki naa umeed, na lobh..
Jeevan basar kar rahe wo saada..

- Preeti Ojha