സ്നേഹമാണ്
എന്നെ പിണക്കിയത്...

-

എനിക്കെന്റെ
ഏകാന്തതയെ
തഴുകിപ്പിടിച്ചൊ-
ന്നുറങ്ങണം.

ഉണർവിൽ കണ്ട
പാഴ്കിനാവുകളെയത്രയും
ഉറക്കിൽ ദഹിപ്പിച്ച്,
യഥാർത്ഥ്യത്തിന്റെ
കണ്ണാടിപ്പുഴയിൽ
നിമജ്ജനം ചെയ്തു-
മുങ്ങി നിവരണം..

-

The flower that bloomed
in my flower.

-

വീണുമരിക്കാൻ കൊതിച്ച
പ്രണയത്തിലിപ്പോൾ
ജീവൻ പോവാതെ
മുങ്ങിയും പൊങ്ങിയും,
ഞാൻ...

പക്ഷേ,
നെഞ്ച് നിശ്ശേഷം
തകർന്നിട്ടുണ്ട്..

ധമനിയിലൂടെ
രക്തം
ആത്മാവിലേക്കൊഴുകി
കട്ട പിടിച്ചിട്ടുണ്ട്..

മഞ്ഞിന് വേണ്ടി
സ്പന്ദിക്കുന്ന ഹൃദയത്തെ
വിട്ടുപോവാൻ തയാറെല്ലെന്ന
വാശിയിലാണ്
ആത്മാവ്...
അല്ലെങ്കിൽ
നോവിനെ പ്രണയിച്ചു-
കൊൾകയെന്നും...

-

Always stay in front of my eyes.

-

എഴുതാത്ത
വരികളിൽ
പരസ്പരം
വായിച്ചെടുക്കാം,
നമുക്ക്...

-

ഒന്നും
ചിന്തിക്കാറില്ലിപ്പോൾ,
മസ്‌തിഷ്കം
മരിച്ചിരിക്കുന്നു..

വികാരങ്ങളറിയാറില്ല,
ഹൃദയം
നിലച്ചിരിക്കുന്നു...

ആരോ പറത്തിവിട്ട
നൂലറ്റ പട്ടം പോലെ
കാറ്റിന്റെ ചലനങ്ങളെ
കുറിക്കുക മാത്രം..!

-

ഞാനും
എന്റെ നോവുകളും
ചുരുണ്ടുകൂടി കിടക്കട്ടെ,
മുറിവു പറ്റിയ
എന്റെ
ഹൃദയത്തിനുള്ളിൽ തന്നെ..

എഴുതിത്തളർന്ന
കരങ്ങൾ
ഇനി സന്യസിക്കുകയാണ്..

കരൾ
പൊട്ടിയൊഴുകിയ
ചോരയിലാണ്
ഈ അക്ഷരങ്ങൾ
ജന്മം കൊണ്ടതെന്നു മാത്രം
ഓർക്കുക..

-

حب دائم الخضرة ... بدون لمس ولا رؤية ولاأي اتصال ..

-

വാക്കുകളിൽ
വരികളായി വന്നത്
നീ തന്നെയായിരുന്നു,
പണ്ടേ..

വർണ്ണങ്ങളായി വന്നു,
നിഴലുകളായി കറുത്തിരുണ്ട്,
ഒടുവിൽ
ഇരുളിൽ ചത്തുപോയ
എന്റെ മോഹങ്ങളെ കുറിച്ച്
ഒരു 'സന്യാസി'യുടെ
മൗനമാണ്,
നിന്റെ വരികൾക്ക്..

-