કેવી રીતે આપું, મારું સરનામું હું તુજને,
ખોવાઈ છું હું, ને મળતી નથી હું મુજને.
ક્યાં છું નથી ખબર, પણ યાદ છે એટલું,
નીકળી તી' એ દિવસે, શોધવા હું ખુદને.

-

હતું નહિ કોઈ ત્યારે પણ હતો એજ,
ને આવ્યા બધા તયારે પણ હતો એજ.
નથી શરૂવાત જેની કે ને ના અંત છે,
હશે નહિ કોઈ ત્યારે પણ રહેશે એજ.

-

એકને મારો, તો મરે છે કેટલી?
ઈચ્છાઓ નવી, જન્મે કેટલી?
થઈ હશે ભેગી, જાણે કેટલી?
કેટલી મારી, ને પારકી કેટલી?

-

પાડવા મથે છે પણ પડતો નથી,
બેઠા બેઠા પરસેવો વળતો નથી.
માને સૌ ચોઘડિયા શુભ એમને,
દુનિયાનો કોઈ ગ્રહ નડતો નથી.

-

Let It Be, Let It Be...

Do nothing—let stillness shape the day,
Step back, relax, let the moment stay.

Speak softly, or not at all—
Let silence rise, let the noise fall.

Chase not the wind—just feel the breeze,
Let life unfold with quiet ease.

See the rainbow, but do not speak—
Logic will shatter what wonder seeks.

Seek no more—what’s here is rare.
Heaven and hell are illusions, thin air.

The world will turn, the tides will flow—
In surrender, gently, we begin to grow.

Hold nothing tight—time slips like sand.
Only in empty hands can the whole truly land.

-

આદત હતી એમની, પીઠમાં ખંજર ભોકવાની,
ને  ચાહત મારી, ઘાને, સામે છાતી  ઝીલવાની.
પલટવાનું પણ અંતે તો, મારે જ થયું દોસ્તીમાં,
પીઠ દેખાડી એમને, મેં આપી રજા મારવાની.

-

મીઠી ખટાસ

-

જેને તમે ઓળખો છો હું એ નથી,
ને ઓળખું છું હું જેને હું એ નથી.
ગમે તે નામે તમે બોલાવો મને કીંતુ,
કાલે હું જે હતી આજે હું એ નથી.

-

વાસ્તવિકતાથી બચીને ક્યાં જશો?
ને આ સંસારને ત્યજીને ક્યાં જશો?
લો તમે આઝાદ કરો જે કરવું હોય,
બધું કરી કહો અંતે તમે ક્યાં જશો?

-

જૂની યાદો તમે અકબંધ રાખો,
ભલે ન બોલવાનો સંબંધ રાખો.
આપો થોડી જગા દિલમાં મને,
દ્વાર બીજા ભલે સૌ બંધ રાખો.

-