Mehul Pandya  
1.1k Followers · 99 Following

read more
Joined 10 May 2020


read more
Joined 10 May 2020
9 APR AT 21:41

ખાલી જામ જોઈને, હું ફરી બહેકી ગયો,
તારી યાદ આવી ને, હું ફરી છલકી ગયો.
હાલ હું ક્યાં છું, એની મને ખબર નથી,
જવાનું હતું ક્યાં ને, હું ક્યાં પહોંચી ગયો!

-


8 APR AT 20:43

કાળી મેસને હોય છે, અશ્રુની જ સાથે લેણું,
ને અશ્રુ હોય છે, લાગણીની જ પાછળ ઘેલું.
ભલે આખું ગામ રડે, કન્યા વિદાયની વેળાએ,
સૌથી ભીનું હોય છે, દીકરીની જ માનું સેલું.

-


7 APR AT 20:55

બાળપણ ખેલ, ને મોજ જુવાની છે.
ઘડપણ તૈયારી, ને મોત સવારી છે.
છે એનો સ્વીકાર, એજ ખુમારી છે,
ઈચ્છા લાચારી, ને લોભ તબાહી છે.

-


7 APR AT 0:19

તમે પૂછ્યો નથી, એટલે મેં પણ કીધો નથી,
સુખી થવાનો રસ્તો, આમ પણ સીધો નથી.
પરિણામની ચિંતા હું એટલે જ નથી કરતી કે,
સરળ હોય એવો રસ્તો, મેં પણ લીધો નથી.

-


5 APR AT 22:44

અહીં માંગીને કેટલું મળ્યું, એ સહું કોઈ ગણે છે,
પણ માંગ્યા વગર કેટલું મળ્યું, એ કોણ ગણે છે?
મળ્યું છે જીવન અમૂલ્ય, કર્યા વગર કોઈ પ્રયાસ,
સીડી ચડી ગયાં પછી, પગથિયાં કોણ ગણે છે?

-


3 APR AT 21:11

તારે છુપાઈને રહેવાની જરૂર શી છે?
જઈને પથ્થરમાં વસવાની જરૂર શી છે?
તું તો ઈશ છે, સંતાવવું તો અમારે પડે,
જુદા-જુદા મુખોટાંની તારે જરૂર શી છે?

-


2 APR AT 23:13

જશોદા પણ મળશે ને રાધા પણ મળશે,
બલરામ સાથે તને અહીં સુદામા પણ મળશે.
સમય થયો છે જન્મ લેવાનો ફરી એકવાર,
કંસ જેવા તને અહીં મનુષ્યો પણ મળશે.

-


2 APR AT 16:24

વ્હાલા મોટાભાઈ, YQ ગુજરાતી માટે એક સુજાવ છે.

આખા વર્ષ દરમિયાન તમારા થકી અમને ઘણી સુંદર રચનાઓ વાંચવા મળે છે. મને લાગે છે કે વર્ષનાં અંતે YQ ગુજરાતીએ આમાંથી શ્રેષ્ઠ રચનાઓ publish કરવી જોઈએ.

ઘણાં લેખકોનું સપનું પૂરું થશે અને લોકો વધું સારું લખવાનો પ્રયત્ન કરશે. અને ઘણા લોકો આ publication ને ખરીદશે પણ ખરાં એટલે YQ ને પણ કોઈ નુકશાન નહીં જાય. It could be an ebook.

કોઈ સ્પર્ધાની જરૂર નથી. જે લખાયું હોય એમાંથી જ પસંદગી કરી શકાય. આ પસંદગીને કાવ્યો, ગઝલો, હાઇકુ, વાર્તાઓ, ને પ્રસંગો જેવાં વિવિધ પ્રકારોમાં વહેંચી પ્રસ્તુત કરી શકાય.

-


2 APR AT 8:32

સાત શબ્દોમાં સંતોષ...

મારે બીજું શું જોઈએ? તું છે ને.

-


1 APR AT 20:52

મિલનની છે મઝા, વિરહની પણ કંઈ કમ નથી,
તારાં વિના તને મળવાની, મઝા પણ કંઈ કમ નથી.
કારણ શું છે તને માંગવાનું, સમજી નથી શકાતું,
હેતુ વિના તને ઝંખવાની, મઝા પણ કંઈ કમ નથી.

-


Fetching Mehul Pandya Quotes