Ankahe se sapne kuch leke hatho me chala wo.
Likhne sayad ek naya sa panna phir se chala wo.
Halaat sard thi par phir uthne ki umeed se chala wo,
Dekh raahi ko is kadar dhup ke agosh me phir se chala wo.

Khud ko dhundh lane ki firat me, fir se chala wo.
Chalte chalte tham gaya thak kar, par uthkar phir chala wo.
Samay to bohot tha nahi par, phir bhi chala wo.
Fasle mitane ki chah me, phir se chala wo.

Raftar thori dheemi thi, par phir bhi chala wo.
Sab khone ke kagar pe hai, par phir bhi chala wo.
Khud se sare bandhan tor kar, phir se chala wo.
Akhri kadam tak hai jana ye soch, phir se chala wo.

Ye koi ittefaq hai ye mehaz ek pal ka asar ki,
Tor sare rishto ko bhag chali mai teri aur.
Hai wo sare arman piche, hai wo sare wadein jhuthe.
Sach karne humari ladai lo aa gayi mai tere piche.

-

Yu to barish kuch zada bhata nahi humko
Yu to ye suhani sham tumhare bina jachta nahi mijhko
Yu to chai ka swad kuch feeka sa lag raha hai humko
Yu to likhne se bhi kafi parhez hai humko

Yu mizaz kuch aisa bana ki mano sab kuch tham sa gaya
Yu to sab kuch ek formality si lag rahi thi hume
Yu to bas tumhara sath mil jaye bas yahi bat dil ko manzur hai mujhko
Yu to har waqt samay par aa jate ho reh reh kar dil ko satate ho

Yu to akele bhi chal lete hai akeke rasto par
Yu to muskurahat banke tum chehre pe chaye rehte ho
Yun to us gehre sham ki thandak ho tum
Yu to bade hi khas ho tum

-

Dekha tha ek khawab naya,
Jaise hote hai har sapne naye.
Rimjhim si barsat me,
Tere bahon ka jo takiya ho,
Mujhko thori rahat mil jaye,
Bass itni si ilteza ho.

Baith baramde me ek sath,
Tere hatho guitar ki halki si dhun baje.
Wo sun mai bhi muskura du,
Bass itna sa khayal tum humara rakh lena.
Jab bhi pareshan ho dil tera,
Halki si ahat se mujhko bata dena.

Agar kabhi aisa ho ki halat kuch,
Thik sa na ho paye.
Baith us peepal ke niche,
Thandi aaho me mujhe yad kar lena.
Har pal tere pass na rahu to kya?
Dil me basake meri yaad rakh lena.

Chize kuch theek na ho agar sathiya,
To baith usko bade pyar se suljha lena.
Kisi chor pe to milna hi hai,
Tab tak apne aap ko thora samhal lena.
Dil ghabraye agar adhi rat ko,
To mujhe zara ek phone tum kar lena.

Yaad karungi tumhe har pal ye,
Wada tum humse mat mangna.
Toheen hogi agar pyar ki,
To us pal mujhe yaad na karna.
Pass hu har pal tumhare ye,
Bat tum humesha yaad rakhna.

-

Likhna na tha us lamhe ko,
Par wo lamha apna kahan tha.
Sunna tha un suro ko,
Jo aj kisi aur ki dhun bajata chala.
Pyar ki batein to har koi karta hai,
Are murshad chal kuch apni bat aj kar le yahan.

Insan ki fitrat hai rang badalna,
Ab ye girgit to nahi.
Insan ki fitrat hai bharosa karna,
Ab ye andha kanun to nahi.
Insan ho to gam kis bat ka,
Sab se alag ho to dukh kis bat ka.

Pyar se koi parhez to nahi par,
Dil ab khud khushi karne ko manta nahi.
Dost hai kuch gine chune,
Aksar mehfil sajti hai humari.
Dil ke hathon sab majboor to nahi,
Koi waqt ka mara mara phirta hai yahan.

Ye to janab humari kahani thi,
Najane kaise ye bhi bazaru ban gayi.
Likhna to bass shok hai kake,
Insaniyat ko bech de bhare bazar me,
Itne buzdil to hum jaise koi nahi yahan.
Sayed isiliye gam chupate firte hai,
Aur log usi gam ko padh yahan,
Khud ko khush naseeb samajh te hai.

-

Maine phir bola, na hum haste hai,
Aur nahi hume kahi jana hai.
Hum dukhi aur akele hi acche hai,
Bass ek mukhota mil jaye utna hi kafi hai.
Kyunki humse pyar na ho payega....

-

Desh se jura huwa ye raaz hai bohot bada,
Sabse bara samvidhan hai yahi par likha gaya.
Azadi mili goro se thi bhed bhav phir bhi yahan chal raha.
Baba ne tarkeeb naya socha phir se kuch magar.

Garibi ke charche ab dikhne lage the sab jagah,
Dekh aag ko insan sare ro rahe, jhulas raha tha tan badan.
Naxalon ki toli ne dikhaya apna purana rang,
Chinn bhiin hua tha sab jab aya humara samvidhan.

Samasyain bohut sari thi desh azad to tha par phir bhi yahan gulami thi.
Bhukmari ne jab pair pasare , chacha ji nakhush ho gaye thore,
Baba ne krisi pradhan desh ka kar diya elan,ab krishakon ko milega apna mol
Kisan ke hath me ab ragega pura zor.

Desh ko chalni hogi hathi ki chal , mantrana iski kar raha tha sarkar.
Berozgari ne phir se apna varchasp jamaya , Tab chacha ne rakh diya Hirakud banane ka elan.
Dhere dhere karke aise hi , bharat ne kiya veto power ka elan,
Janta chunegi apni sarkar, kyunki ganatantra se hogi humari pehchan.
Bharat phirse khelayega loktantra kyunki yaha se hogi ek nayi suruwat.

-

Ek din koi kahin bohot roya hoga.
Ansu to bahe honge kuch magar,
Kuch ko sene me dafan bhi kiya hoga.
Kyunki phir se chalne ki koshish ki hogi.

Chehre me muskurahat leke rat rat bhar jaga hoga,
Kam karne ke bahane se sab bhul jane ki koshish ki hogi.
Dil ke shor ko andar dabakar sabse haske bola hoga,
Khud se nafrat ki gunjaish har lamha kiya hoga.

Koi baith humari kahani likh raha tha.
Kyunki ek ladai to yaha bhi chal raha tha.
Bat mahez duriyon ki hai ki hume pehle milaya hota,
Sayed wo waqt pe wo hona tay tha.
Par is waqt humara tumse milna likha tha.

Kuch mayusiyan sath apne wo laya tha,
Gum ki jholi me pyar bohot sara tha.
Ankho me chasma lagaye apne ap ko chupaya tha,
Kale kapro ke niche apne sehme huye dil ko samhala tha.
Batein bohut suljhi hui karta hai kuch is tarah,
Ki pehle mulakat se bhi kuch pehle hum dil har gaye tumse.

-

Dil ki galiyon mein bass tera zikr rehta hai,
Tu man ya na man pyar to tu bhi mujhse karta hai.
Pyar ki gavahi teri ankhein deti hai,
Tu to bass ruhane lafzon ko chupaye firta hai.

Teri har pyar si nok jhok,
Mere hothon pe hasi ki barsat karti hai.
Tu chupke se aata hai sirhane,
Meri tabiyat ka jayeza bakayda tu leta hai.

Meri nadaniyon ko bade pyar se sunta hai,
Teri har behad choti si khawaishon ko bhi,
Pura karne ko dil mera karta hai.
Ab tu hi bata ye pyar nahi to fir aur kya hai?

-

Waqt ki ye baat nahin,
Baat to hai kuch alag yahan .
Pyar ki koi baat nahin,
Baat to hai sirf humdardi ki yahan.

Humdardi hamen chaiye nahi,
Aur pyar se dur bhagte nahin.
Sochte hain kuch pal baith sukun ke,
Chai ki cup se har ghunt ka hisab hum karein.

Par waqt ne yun mara hai,
Ki waqt waqt marne ko doura hai.
Humne bhi vyast rahne ka,
Salika naya sikha hai.

Shayad ye samay hamara hi nahin,
Shayad agla station wo humara hoga.
Ho agar kuch aisa ki waqt hath mein,
Kuchh waqt lekar khada ho aur kahe;

Waqt se bahut sataya gaye ho,
Kuchh waqt le lo aur apne chot ko theek tum karo.
Shayed wo sapna bus sapna na ho,
Kahin ye batein mehez ek kavita na ho,
Kash sab kuchh sach ho pata,
Aur hum donon ki kahani kahin fir se shuru ho paate.

-

मार्च का वह महीना था,
सर्दी का आलम भी था।
चाय की चुस्कियां के संग,
कोरोना केहराया था।

क्वारंटाइन ने अपना खाता खोला था,
सैनिटाइजर और मास्क संग अपने वो लाया था।
बच्चों ने घर को ही स्कूल बनाया था,
मंदिरों और गिरजाघरों में ताला इसने लगवाया था।

वर्क फ्रॉम होम का उद्घाटन उसने किया,
घर को दफ्तर में तब्दील करने का यह नया सा नुस्खा था।
घर-घर में वाईफाई और जिओ फाइबर का हुड़दंग था,
इस कोरोना में वेब सीरीजों ने काफी धूम मचाया था।

अब चारों ओर मास्क में ढका था इंसान।
अब नियत से ही थी सबकी पहचान।
धुआं धुआं हो रहा था शहर,
अब हरियाली ने भी अंगड़ाई ली।

कुछ तो रहम करो हे इंसान!!
बेजोड़ से हो तुम कुदरत के दास।
कुदरत का मारा जब घर आया,
तो समझो वह साल दो हज़ार बीस कहलाया।

-