Kahani suno ek aese insaan ki....
Jo hai mamta ki murat Jarurt nahi kisi pehchan ki.
Apna jivan jisne samarpit kiya..
Sansaar ke moh me kabhi mohi nahi. Wo sirf maa hai. kyuki maa jaisi koi nahi...

Janam dene se lekar. Aaj bhi wo roz mera haal puchhti hai.
Sehat kaisi hai beta tune kuchh khaya.? Wohi ye sawal puchhti hai.
Rishte to sab nibhate hai.. Par unke jaisi koi aur hue nahi.
Wo to bas maa hai. Kyuki Maa jaisi koi nahi.

Apne ghar ki rani thi wo.. par logo ke ghar me kaam kya...
Mere chhote chhote khab ke liye. Khud ke sukh ko kurbaan kiya.
Udas dekha jab bhi mujhe. wo khud raaton me soyi nahi.
Wo to bas maa hai. Meri maa jaisi koi nahi.

Vipdha ghar me jab bhi aayi.. humesha sath rehti hai..
Hosla rakh beta sab thik ho jayega.. sada ye bat kehti hai.
Khud toot jati thi paristhitiyon se.
Par mere samne wo kabhi Royi nahi.
Ye jo meri maa hai na. meri maa jaisi koi nahi.

Aakhir maa ke mahnat ko to rang lana hi tha.
Unki Duao ke sadke kamyabi ko mere pass aana hi tha.
Aaj sukun hai unko. Jo khud ke sukun ke liye kahi khoe nahi..
Wo to bas maa hai dosto.. kyuki maa jaisi koi nahi...

- Manish Kumar