Tune mujhe is duniya me laya
Duniya ko dekhna tune hi sikhaya
Kabhi galat cheezein dekhna nahi bataya
Par ab Mai khud is duniya ko dekhna chahti hu
Maa mai teri parchayi banana chahti hu

Tune mere nanhe hatho ko thama
Chalna mujhe tune hi sikhaya
Chalte chalte agar gir jau to uthaya tune
Par ab Mai khud gir ke uthna chahti hu
Maa Mai Teri parchayi banana chahti hu

Tune mujhe baat karna sikhaya
Baat karte karte mere totle bol ko samjha
Kabhi shabd galat ho Jaye to sudhara tune
Par ab Mai khud bolna chahti hu
Maa Mai Teri parchayi banana chahti hu

Tune Meri nanhi ungliyo ko pakda
Kalam hath me lekar likhna tune sikhaya
Likhte likhte shabd galat huye to sudhara tune
Par ab Mai khud likhna chahti hu
Maa Mai Teri parchayi banana chahti hu

Tune mujhe duniyadari sikhayi
Logo ko parakhna bhi tune sikhaya
Parakhte parakhte agar galat ho jau to sudhara tune
Par ab Mai khud logo ko parakhna chahti hu
Maa Mai Teri parchayi banana chahti hu

Tere jaisi to kabhi ban bhi na pau
Par tere kuch gun Sikh jau
Sikhte sikhte kabhi jarurat pade to sambhalna mujhe
Teri hi parchayi banana hai mujhe...

- Philosophy Queen