Kyu bhatakte ho dar dar thokar khate ho,
Ek bar apne andar jhaank kar to dekho,

Kyu bahar ke taano ke shor se ghabrate ho,
Ek bar bheetar base us sannate ko to dekho,

Kyu taraste ho unke jaisa banne ko,
Ek bar apne jaisa ban kar to dekho,

Kyu chahte ho sunna sada unki salaho ko,
Ek bar apne man ki awaz sun kar to dekho,

Kyu karte ho barabari unke chale rasto se,
Ek bar apna rasta bana kar to dekho,

Kyu bujhate ho aas nirasha k andhero se,
Ek baar umeed ki mashaal jala kar to dekho,

Kyu bhatakte ho dar dar thokar khate ho,
Ek bar man ke dware aa kar to dekho.

- Kavya💕