Aaj phir dil dukha hai..
Aaj phir dil mein ek kanta sa chubha hai..
Aaj phir zindagi mujhe us mod par le aai hai..
Jahan bheed toh bahut hai phir bhi tanhai hai.!

Aaj phir tumhari yaad aa rahi hai..
Aaj phir dhadkane tez ho rahi hai..
Aaj phir kismat mujhe wahan lekar aai hai..
Jahan tum toh nahi ho, sirf tumhari parchai hai.!

Aaj phir mann udas hai..
Aaj phir tum dur hote huye bhi paas ho..
Aaj phir wahi raat aai hai..
Jahan chand ki roshni tale..
Chupi andhero ki gehrai hai.!

Aaj phir maine tumhe maanga hai..
Aaj phir tumhare liye mannat ka dhaga badha hai..
Aaj phir main wahan matha tekkar aai hun..
Jahan der - sawer lekin pakki sunwayi hai.!!!

- K. K