Na tha jo kabhi woh banunga toh kya hai?,
Kisi ke liye kuchh karunga toh kya hai?

-

Jo hai baat woh tumse kehta nahi main,
Nahi baat jo tum wohi poochhti ho...
Akele yunhi soch baitha hun aksar,
Mujhe gar nahi toh kise sochti ho...

-

Aisi bhi kya lazzat hai gham ke khazane mein?,
Khudse pyaar hone laga hai tere laut na aane mein...

-

Tumse rishta chahe aaj kal ka lagta hai,
Par mann jab-bhi bhaari ho,
toh baat kar ke halka lagta hai,
Mujhse yeh na poocho ke kya jazbaat hai mere,
Bas itna pata hai ke mil kar achha lagta hai...

-

Gayi hai jo kar ek nazar jaate jaate,
Umra lag gayi phir asar jaate jaate...

-

Idhar nahi jata, udhar nahi jata,
Tu bhi toh mujhe chhod kar kidhar nahi jata,
Arey tu kya mere seene ka patthar hai?,
Zaalim mere dil se kyun utar nahi jata...

-

Hai khudse yeh vaadaa ke itna karu main,
Haraane se khudko bhi ab na daru main,
Lahu kam pade hosala dum-ba-dum ho,
Jutaa kar ke har saans ladta rahu main...

-

Na mujhse bada koi, na mujhse chhota koi,
Na mujhsa bura koi, na mujhsa bhala koi,
Main sirf main hun,
Na mujhsa bana koi, na mujhsa mila koi...

-

Yun qismat bhi karvat badalne lagi,
Ke be-waqt baarish barasne lagi,
Jo dekha use be-irada "SIFAR",
Mujhe milne woh ab savarne lagi...

-

Nasihat jahaan bhar ko dee thi magar,
Bagaavat lo kar li hai khudse abhi,
Jo deewana kehne lage hai mujhe,
Kiya karte the ishq tujhse kabhi...

-