Mere jeevan ke pannon mein tumhe kai afsaane milenge
Uljhe hue rishton ke chañd fasane milenge
Khamosh lamhon ke naghme purane milenge
Zindagi ke har mod par ghãm ke afsane milenge
Lamhon ke har hisse mein tumhe rumania milenge
Dil ke kone mein dhundhli yaadon ke afsaane milenge
Bechain armaanon ki udasi ke paimane milenge
Mere jeevan ke har pannon mein tumhe kai afsaane milenge...

-

Zindagi ke safar mein, kai mod aaye,
Kuch rahe ruki, toh kuch raftar badhti gayi,
Kuch log bichhad kar yaadon mein bas gaye,
Aur kuch naye apne safar ka hissa ban gaye.

Har mod ek nayi seekh de gaya,
Aur hum, girte sambhalte, manzil ki ore badhte chale!

-

Khushi bhare lamhon ka tagada,
Ab karen to kare kis se?
Yahan! Dóór-dóór tak apna koi!
Nazar kahaan aata hai!....

Har mod par, bas paraye chehron ka dera hai,
Bade logon ki parchaayi ne, poora asmaan ghera hai, iss desh mein.
Woh apni mehfil mein hume kab ka bhool chuke hain,
Aur hum, khud se bhi ajnabi, apna saaya bhi kho chuke hain,
Ek apna toh kya, apna parchhaayi bhi
Nazar kahaan aata hai!

Kaat rahe hain umr,
Sehar mein anjano ki.
Haal-chaal poochhne ke liye ab,
Yahaan na koi chitti na khabar,
Kahaan aata hai!

Paise ke paidaavar ne bujha di hai,
Roshni aankhon ki.
Is daulat ki duniya mein,
Ab zameen banjar bhi,
Nazar kahaan aata hai!

Khushi bhare lamhon ka tagada,
Ab karen to kare kis se?
Yahan! Door-door tak apna koi!
Nazar kahaan aata hai!....

-

My World, a Circle

My world is a circle,
with me at its still center,
and you the ever-reaching circumference,
encompassing everything around me.

My world endures
because of the space between us,
held in fragile balance
by the distance that separates us.

Should we meet,
our orbits would collapse,
folding inwards like stars imploding,
the delicate tension shattered—
our universe dissolving into singularity.

-

Sajeev sa nirjeev tu, mujhse hi tera wajood hai,
Waqt-bewaqt si fitrat liye, har pal tu mere saath maujood hai.
Dilfek-farebi, har roshni par hota fida tu,
Par andheron mein gum hone waala,
Syaah toh tu khud hai, har kadam pe khauf ban ke chhaya hai tu.

Roshni ke sang jeeta, par andheron ka saathi hai tu,
Khud se pare, par mujhse juda kabhi nahi,
Main badal jaaun, phir bhi tu wahi,
Meri parchaayi, meri pehchaan ka ek hissa hai tu.

Tanhaayi ka gham ho ya roshni ka jashn,
Tere saath har pal, jaise ek purani dosti ka bandhan.
Chhupi rahe ya saamne aaye, tu hamesha rahega,
Mera saathi, mera aks, jo kabhi na jaaye, chhaya tu mera saaya hai!

-

Ek shehar hai tu,
Pyara sa safar hai tu.

Mere jeevan se juda hua,
Ek khushnuma pehar hai tu.

Sardi ki meethi dhoop aur
Garmi mein ruh ko sukoon dene wala,
Koi shajar hai tu.

Bhatke raahi ko manzil tak le jaye,
Aisa koi rehbar hai tu.

Haath thaam chale jo safar mein,
Vaisa hi rehguzar hai tu.

Ek shehar hai tu,
Pyara sa safar hai tu...

-

"Sab ko shikayat hai meri khamoshi se,
Aur main pareshan hoon apne andar ke shor se."

-

Jin logon ko lagta hai mein galat hoon unko lagtarahe,
Kyunki insaan ko khud ki nazar mein sahi hoona chaiye,
Duniya toh Khuda se bhi dukhi hai,
Mujhe ratti bhar bhi farak nahi padta ki log mere baare mein kya sochte hain,
Kyunki sab ki zindagi khud ki marzi se chaltii hai,
kisi aur ki marzi se nahi.
Agar koi aap ko na samjhe toh kabhi fikar mat karna,
Kyunki acche log aur acchi kitaben sabki samaj mein nahi aati.

-

Jahan bura lagna chahiye aaj kal,
Uss baat ka bhi bura nahi lagta.
Main dikhtha toh tumhe poora hoon na?
Par meri nazaar se dekho main adhura sa lagta.

Main sacchaayi se dil jeetne ki koshish mein reh jaata hoon ,
Par sabko yahan dikhaawa pasand hai.
Mere jaise logo pe kisi ki nazaar nahi padti,
Haan zaroorat ke waqt to sabhi humdum hain.

Tumhe kya lagta hai tum mujhe dukh pohocha sakte ho?
Tum tod hi nahi sakte mujhe main bikhra pehle se hi hoon.

Chehra khoobsurat nahi hai mera jo pehli nazaar mein tumhe bha jaun,
Par baat bhi toh wahin khatam hai,
Tumhe chehre se pehle dil kaise dikhaun.

Mere alawa koi nahi mujko sahi maann ne ke liye,
Issiliye kahin akela baaith jata hoon khud ko jaan ne ke liye.

-

कई दिनों बाद आज मेरा दिल 

ये सोच कर रो दिया ......


की ऐसा क्या पाना था मुझे 

जो मैंने खुद को ही खो दिया ........

-