Maa, aaj kuch kehna hai,
Sunegi naa tu?
Maa, teri bachi akeli hai,
Saath ho k bhi saath kyu nahi hai tu?
Aankhe dekhi tune meri,
Samandar se bhi geheri thi wo,
Rooh bhi dekhi hogi tune meri,
Aag si jal rahi thi wo,
Hothon p muskaan,
Par dil pyar k liye taras rha tha,
Seene me thi kch awaaz,
Prr muh par haath tune kyu rakha tha,
Zindagi mujhe tune di thi,
Jeene ki wajah bhi de deti,
Jaanti hoon ki tu sab jaanti thi,
Par kabhi hass kar puch bhi leti,
Kaash tune puch lia hota,
To aaj bhi khush hoti main,
Bas ek baari muskura deti maa,
To zinda reh kar bhi marti nahi main,
Maa, main kamzor nahi hoon,
Par mujhse baat krr na maa,
Warna shayad kamzor padd jau,
Tu sunn rahi hai naa maa?
-