૧૪ ગા ની ગઝલ
“વસમી વિદાય
——————-
વિદાય વસમી લાગે તારી,આંસુ સારી મા બોલી;
લઈ જા ખોબો પૈઠણ માટી,આંસુ સારી મા બોલી.

સાસરીયે જઈ તુલસી વાવી,ભેળવી દેજે માટી;
હળીમળીને તું રહેજે લાડી આંસુ સારી મા બોલી.

દડ દડ આંસુ છલકે આંખે,પાલવથી આંખો લૂછે;
ભૂલો થાતા માંગવી માફી,આંસુ સારી મા બોલી.

ભૂલી જાજે માતપિતા ,સાસરીયું વ્હાલું થાશે;
સાસ સસુરની સેવા સાચી,આંસુ સારી મા બોલી.

કુળ દિપક તું સાસરીયાનો, દીપક થઈ તેજ-પ્રકાશે ;
કરજે તું ઘરની રખવાળી ,આંસુ સારી મા બોલી.

લાજ અમારી તારા હાથે,કરગરું છું પાલવ ધરી;
સંસ્કાર સમી માટી આપી, આંસુ સારી મા બોલી.

વિદાય વસમી લાગે દીકરી,આંસુ સારી મા બોલી;
ધર શિખામણ દિકરી વ્હાલી,આંસુ સારી મા બોલી.

-

અછાંદસ
…………
અજાણતા ….!
એક અજાણ વ્યક્તિ એ
સાદ પાડ્યો,
પાછળ જોયું
યાદોનો કાફલો
હાથમાં ભુતકાળ લઈ ઉભો હતો
હું નજીક ગયો
હાથમાં ભૂતકાળ લઈ
અંધારી ગુફામાંથી
બહાર આવ્યો.
વર્તમાનના તેજસ્વી પ્રકાશમાં…!!!

-

चाँदसितारे
उतरके नैनो से
बसा दिलमें

-

તું અને હું
……………
એક સાંજ, તું અને હું
વરસાદી મોસમ,તું અને હું
મળ્યા હતા પહેલી મુલાકાતે
પ્રણયની છાપટે ભીંજાયા,તું અને હુ્ં
એક ચા તું અને હું
પ્રણયની ટપરી પર તું અને હું
એક ચુસકી તારી,ને’એક ચુસકી મારી
એમ પીતાં રહ્યાં ચા ,તું અને હું
ત્યાં જ…! અચાનક…!
આવ્યું એક વાવાઝોડું જ્યાં બેઠાં હતાં
ઉમટ્યા ધૂળના ગોટેગોટા એવા કે
ગોટાળે ચડ્યા, તું અને હું
મમતના માંડવે,છળકપટના ચાડીયે
જીંદગીની ખેતી ખેડતાં રહ્યા,તું અને હું
વકીલ , કોર્ટ ને’ પૈસાની લુંટફાટમાં
મમતની રમત હારી બેઠાં, તું અને હું
એજ એક સાંજ, એજ વરસાદી મોસમ
એજ યાદોની ટપરી પર,
અશ્રુબિંદુએ ભીંજાતા રહ્યાં…
તું અને હું……!!!

-

मुश्किलों के धागे को सुलझाना पड़ता है

-

ગાલગાગા ગાલગાગા ગાલગાગા ગા
**********************
એક સાચી વાતને કેવી મરોડી છે
લઇ સહારો જૂઠનો કેવી વખોડી છે
વાતવાતે આપવા પડતાં પ્રમાણો જ્યાં
ચુપકીદી રાખી આખી નાત તોડી છે

-

:મુક્તકઃ

ગાલગાગા ગાલગાગા ગાલગાગા
——————————
લાખ કોશીશો કરીને મેળવી છે
લોહી પરસેવો ધરીને મેળવી છે
કામયાબી એમ તો કંઇ મળતી જ નથી
હાથમાં ચાઠાં ભરીને મેળવી છે

-

એક સ્વપ્ન તારું હતું,એક સ્વપ્ન મારું હતું
બંને મળતા,એક થયા
પછી ઢિસૂમ…ઢિસૂમ…ચાલુ થયું
એકે ફેંક્યું છુટ્ટુ વેલણ
એકે ફેંકી છુટ્ટી થાળી…
ને…પછી સ્વપ્ન ધીરે ધીરે વિખેરાતાં
એક દિવસ રંગેચંગે
વકીલ સંગે તૂટી
કકડભૂસ થઈ ગયું…


(સારાંશ- સ્વપ્ન જુઓ,વાસ્તવિકતા સમજો🫣)

-

છલકપટ
થી તો સા’બ
જીતી જવાય છે બાજી
પણ છેતરાઈ ગયા છીએ જાણી,
ને’પણ જીતી જવાય બાજી તો’ જ, સા’બ
જીવનની ખરી રમત રમી કહેવાય ખરું ને??
🌹Good day🌹

-

છલકપટ
થી તો સા’બ
જીતી જવાય છે બાજી
પણ છેતરાઈ ગયા છીએ જાણી,
ને’પણ જીતી જવાય બાજી તો’ જ, સા’બ
જીવનની ખરી રમત રમી કહેવાય ખરું ને??
🌹Good day🌹

-