మన కోపం పెరగాలి -అన్యాయం పైన
మన కోపం పెరగాలి - నీచ రాజకీయాల పైన
మన కోపం పెరగాలి - ప్లాస్టిక్ వినియోగం పైన
మన కోపం పెరగాలి,కోపం పెరుగుతూనే ఉండాలి
దూర్వాసునిలా కాదు - పరశురామునిలా
అందరికీ క్రోధి నామ సంవత్సర శుభాకాంక్షలు

-

నాగులు ఆభరణం
నీళ్ళే అభిషేకం
గరళం కంఠానికి ఆభరణం
భస్మమే ఒంటికి అందం
స్మశానమే ఆవాసం
భూతాలు సావాసం
ఏందయ్య శివయ్య
నువ్వు మాకు అర్థం కావు
అర్థం అయ్యేసరికి అంతా మిధ్యే

-

గుండెల్లో పెట్టుకున్నది ఒకరు
వాక్కుగా స్థానం ఇచ్చింది ఇంకొకరు
అర్ధభాగం ఇచ్చి అందనం వేసింది మరొకరు
స్త్రీ కి ప్రాధాన్యత ఎప్పుడు మన ధర్మం లో ఉంది
ఎప్పుడు ఉంటూనే ఉంటుంది
కొత్త పోకడలు మోజులో
ఇప్పుడు వారిని గౌరవించండి అని చెప్పుకునే
స్థితికి చేరాం, ఇకనైనా ఆరోజులు తిరిగి రావాలని
ఆశిస్తూ స్త్రీ ముర్తులందరికి
అంతర్జాతీయ మహిళా దినోత్సవ శుభాకాంక్షలు...

-

జోకర్
కష్టం అంతా ముసుగు వెనకాల దాచేసుకుని
నవ్వుల్ని అందరికీ పంచే వెర్రివాడు...

-

తెలుగు
కన్న అమ్మానాన్నల్ని తీసుకెళ్ళి
వృద్ధాశ్రమంలో వేసే మనం,
నేర్చుకున్న తెలుగుని గుర్తు పెట్టుకోవడం
అంటే పెద్ద విషయమే...!

-

పెళ్లి
నిన్ను నాతో ఏకం చేసింది
నన్ను నీలో మమేకం చేసింది
ఇక నువ్వు, నేను కాదు
నువ్వే నేను...

-

సందర్భాలన్ని ఒకేలా ఉండవు
సరదానిచ్చేవి కొన్ని
సరదాతీర్చేవి కొన్ని
రెండిటికీ సిద్దంగా ఉండటమే జీవితం...

-

డబ్బు,
కర్మను వాయిదా వేస్తుంది కానీ తప్పించలేదు...

-

వెలుగుతున్న చిన్న దీపం ఒక్కడికే దారి చూపవచ్చు,
కానీ ఆ దీపం వెలుగులొ వెళ్లిన ఒక్కడు మాత్రం
కొన్ని లక్షల కోట్ల మందికి దారి చూపే వెలుగవుతాడు...

-

గాయం బాధ
తగిలిన ప్రదేశాన్ని బట్టి కాదు,
చేసిన వ్యక్తి మీద ఆధారపడి ఉంటుంది...

-