காகித இதயமாக இருந்தாலும்
குருதி பாயும் இதயமாக இருந்தாலும்
எண்ண ஓட்டங்கள்
சரியாக இருந்தால் தான்
துடிப்பின் காலம் நீளும்...!!

-

வாழ்க்கை ஒரு எதிரொலிப்பு விதி;
நாம் பிறருக்கு என்ன செய்கிறோமோ
அதுவே நமக்கும் நடக்கும்!!!

-

ஒருவரிடமிருந்து எதையாவது
எதிர்பார்த்து கொண்டே இருந்தால்
மண்ணில் உறங்கும் வரை
ஏமாளியாக தான் வாழ வேண்டும்..!!

-

சுட்டெரிக்கும் சூரியனாக இருந்தாலும்
நேரமும்
வார்த்தையும் தவறினால்
தரையை காதலிக்கும்
காலணி கூட
உன்னை மதிக்காது!!

-

முயற்சியின் கற்களில்
தோல்வியின் உளி படாமல்
வெற்றி சிற்பங்கள்
ஒருபோதும்
செதுக்கப்படுவதில்லை..!!

-

வாழ்க்கை நதியில் வரும்
மேடு பள்ளங்களை
நற்பண்புகளாலும்
நற்குணங்களாலும்
நிரம்பிச் செல்லுங்கள்...!!

-

மகளின் துயிலில்
மின்வெட்டென்றால்
மின்விசிறியைவிட
வேகமாய் சுழல்கிறது
தந்தையின் கைவிசிறி..!!

-

ஏமாற்றம் கலந்த
எதிர்பார்ப்பில் அதிகம்
கவலை கொள்வது
நம் கனவுகள் மட்டுமே!!!

-

நாம் பிறரை
நேசிக்கின்ற அளவிற்கு
வேறு யாரும்
நம்மை நேசிப்பதே இல்லை...

-

புதிய உறவுகள் வந்துவிட்டால்
பழைய உறவுகளின் மீதான
மதிப்பும் அன்பும்
எதிர்பார்க்காத அளவிற்கு
குறைந்து விடுகிறது...

-