Khali kursi, khamosh lahza;
Bahut pechida hai ishq ka ye mashla.
Saikado yaaden, sab pe pahra;
Kya kahu? Chhoota hai tu, ya toota hai sapna.
Bas itna sa hai, tere bin nahi lagta hun mai khud ko apna.

-

Kahaniyon ko kissa kar dete hain,
Hum apne hisson ka bhi hissa kar dete hain.
Tajurba hai, zindagi ka,
Isliye sikh dete hain,
Hum tumhare sapno me bhi pahra dete hain.

Ungliyan pakad kar tumhe chalna sikhate hain,
Hum apne kandhe pe bitha kar tumhe duniya dikhate hain,
Aur tumhri gullak me sikke khanakte rahe,
Isliye hum apne saukh mitate hain.
Aur unche unche makano me jo ab rahte ho tum,
Bhoolna mat, hum tumhe chand dekhna sikhate hain.


Apne hathon ki lakeeron se hum tumhri kismat banate hain,
Mile Barkat tumhe duniya jahaan ki,
Hum apni har duaaon me tumhra naam milate hain,
Aur dekho duniya tum khoob, apni nazaro se,
Par bhoolna mat, duniya me tumhe hum hi late hain.

-

Samajhte nhi ya samajh nhi ata?
Mere ansu me likha kissa,
Dikhta nahi ya nazar nahi ata?

Kya takalluf, kya sikwa, kya ranjis
Ab jb jana taye hi hai,
To wo chala kyu nhi jata?

Muskaan me chhipaye sawalo ka,
Teri khamoshi me chhipe jawabo ka,
Ab hisab mujhe karna hi nahi,
Itna sab ho hi gaya,
To mere dil se ye ishq nikal kyu nhi jata?

Hatheli me likha naam uska,
Dil me utar kyu nahi jata?
Ankho me basa hi hai agr,
To wo meri kismat kyu nhi ban jata?

Chhodo, hisab kitab karte hi nhi,
Ab aur kuchh likhte hi nahi,
Waqt ki daud me aage nikal hi jayega,
Jo jiska hai uska ho hi jayega,
Rahega sirf ek sawal aant me,
Ishq jab milta hi nahi,
To ho kyu jata hai?

-

Kabhi jo teri palako me dastak ho, To ankhe mat kholna.
Mai aya hounga tere sapno me ane ko.

-

Ye sab kismat ka khela hai,
Lathi danda unka hai,
Par ye sar to mera hai.

Tha sant swabhav jab tak,
Kya kisi pe var hua?
Toote niyam to humko ye adesh mila,
Ansu gola chhoda humne,
tumne bhi to palatwar kiya,

Tumne mari lathi humko,
Humne bhi khoob ha-ha-kar kiya,
Chhodo dost, ye sab siyasi khela hai,
Lathi danda unka tha
par ye sar to mera hai.

-

Kahaniyon ko kissa kar dete hain,
Hum apne hisson ka bhi hissa kar dete hain.
Tajurba hai, zindagi ka,
Isliye sikh dete hain,
Hum tumhare sapno me bhi pahra dete hain.

Ungliyan pakad kar tumhe chalna sikhate hain,
Hum apne kandhe pe bitha kar tumhe duniya dikhate hain,
Aur tumhri gullak me sikke khanakte rahe,
Isliye hum apne saukh mitate hain.
Aur unche unche makano me jo ab rahte ho tum,
Bhoolna mat, hum tumhe chand dekhna sikhate hain.


Apne hathon ki lakeeron se hum tumhri kismat banate hain,
Mile Barkat tumhe duniya jahaan ki,
Hum apni har duaaon me tumhra naam milate hain,
Aur dekho duniya tum khoob, apni nazaro se,
Par bhoolna mat, duniya me tumhe hum hi late hain.

-

Nashon me bhare gusse ko,
Sabd ki sakla kab tak dun?
Asantosh hai mujhe khud se, yeh sach h!
Ab dilasa khud ko kb tak dun?
Hote hote achchha ho hi jata hai
Chalo man leta hun,
Ye jo itna bura hai, uska dosh kisko dun?

Ganeemat hai ki jariye aur hai,
Inn biki kalmo ka dosh kisko dun?
Jalane walon ne jala di thi kitabe tab,
Chalo man leta hun,
Ye jo dhuan ab tak hai, Uska dosh kisko dun?

Kahte hain loota tha ghor ke sulatano ne,
Karzdar kai samto ke ab tak hai,
Mara pita khoob tha unne tab,
Chalo man leta hun,
Yeh jo aaaaah ab tak hai, uska dosh kisko dun?

Prachand swar me bol to dete hain
Aaji sab changa si,
Fir in bahte sahro ka,
Katate logo ka,
Rote chahro ka,
Dosh kisko dun ?

-

Achchha nahi lagata tera apne me kho Jana,
Kuchh na kahna aur bas chup ho jana,

-

इश्क़ की आग में,
खुद को जलाता, बुझाता हूं मैं।
हज़ारो दफा उसे
लिखता, मिटाता हूं मैं।
और मंज़िल की तलाश में निकला था घर से,
अब उसी में खुद को पाता हूँ
खो जाता हूँ मैं।
इश्क़ की आग में खुद को
जलाता, बुझाता हूं मैं।।

-

ओढ़नी ओढ़ रखी है, बादलों की चाँद ने,
हम भी कुछ कम नहीं, ध्रुव हैं धरती के दीदार-ऐ-इंतज़ार में।।

-