... ಹೈಕು...
ಸಂಬಂಧಗಳು
ಅರಳವು, "ನಾ" ಎಂಬ
ಅಹಂಮ್ಮಿನಲ್ಲಿ.

-

ನಂಬಿಕೆ ಎಂದರೆ ಹೃದಯ ಭದ್ರ!,
ನಂಬಿಕೆ ದ್ರೋಹ, ಹೃದಯ ಛಿದ್ರ!!.

-

ವಿಷಯ ಸುಖದ ತಾಳಿಕೆ
ಮತ್ತು
ಮನ ಸಂತಸದಿ ಬಾಳುವಿಕೆ
ಎರಡನ್ನೂ ತೂಗಿದಾಗ
ಮನದ ಸಂತಸ ಎಂದೂ ಭಾರವೇ

-

ಆಗಲಿ ಜೀವನದ ಭಾಗ
ಇರಲಿ ನಿತ್ಯವೂ ಯೋಗ
ಇದಾಗಲು ಬೇಕು ಯೋಗಾಯೋಗ!
ಆಗ ನೋಡಿ ನಿಮ್ಮ ಆರೋಗ್ಯ!.
ಪಡೆದಂತೆ ಸಮೃದ್ಧಿಯ ಭಾಗ್ಯ!.

-

... ನನ್ನ ಅವರು!...

ಕರುಣದಿ ಕರವನ್ನು ಹಿಡಿದು
ವಾತ್ಸಲ್ಯದಿ ನನ್ನವರನ್ನು ಪೊರೆದು
ಪ್ರೀತಿಯಲಿ ಒಲವ ನುಡಿಯ ನುಡಿದು
ಹಗಲಿರುಳೆನ್ನದೆ ಮನೆಗಾಗಿ ದುಡಿದು.
ನಿಮ್ಮ ಹೃದಯದಿ ನೆಲೆಯಾಗಿಸಿದಿರಿ ನನ್ನ
ನಿಮ್ಮೊಲವ ಧಾರೆಯಲಿ ಮಿಂದೆ ನಾ
ನಿಮ್ಮ ಪ್ರತಿ ರೂಪಗಳಲಿ ಕಂಡೆ ನನ್ನೇ ನಾ
ದೇವರ ವರವಿಹುದೇ?..ಧನ್ಯೆ-ಮಾನ್ಯೆ ನಾ.

ಅರ್ಥವ್ಯವಸ್ಥೆಯ ಬೆನ್ನು ಹತ್ತಿ
ಶ್ರದ್ಧೆ,ಸಮರ್ಪಣೆಗಳ ಕರ್ತವ್ಯ ದಲ್ಲಿ ಬಿತ್ತಿ
ಬೆಳಗಿಸುತ ಸಂಸಾರ ನಿರ್ವಹಣೆಯ ಕಾಂತಿ!
ಎಲ್ಲದರಲ್ಲೂ ಸೈ ಎನಿಸಿದ ವ್ಯಕ್ತಿ!. ನನ್ನ ಬಾಳ ಶಕ್ತಿ!
ಅವಿರತ ದುಡಿದ ತನುವಿಗೆ
ನಿವೃತ್ತಿ ಎಂಬ ವಿಶ್ರಾಂತಿ ಮನಸಿಗೆ
ಯಶಸ್ಸಿನ ವೃತ್ತಿಜೀವನಕ್ಕಿದೋ ಶುಭ ಹಾರೈಕೆ
ಹಾರೈಸುತಿಹೆ ಶ್ರೀ ..ಇವರೇ ನಾ ನಿಮ್ಮಾಕೆ!!

-

ನಮ್ಮವ ರಿಂದಲೇ ಸುಖ
ನಮ್ಮವ ರಿಂದಲೇ ದುಖಃ
ಇದು ಅಲ್ಲ ತಪ್ಪು...
ನೀರಿನಿಂದಲೆ ಜನನ
ನೀರಿನಲ್ಲೇ ಮರಣ
ಉದಾಹರಣೆ ಉಪ್ಪು!.

-

ಜೀವನದ
ಕೊನೆಯ ಪ್ರಶ್ನೆ
ನಂದು
ಅನ್ನುವುದು ಏನು?

-

ಚಂದಿರನಿಂದು ಪೂರ್ತಿಯಾದ,
ಒಲವಿನ ಆರಾಧ್ಯ ಮೂರುತಿಯಾದ,
ಹೂಗಳ ಆಸೆಯ ರಥದ ಸಾರಥಿಯಾದ!.

-

ಮಧುರ ಕಂಠದ ಕೋಗಿಲೆ
ಕವಿಗಳಿಗೆ ಹಾಕುವೆ ಬರಹದ ಬಲೆ
ಯಾಕೆ ನೀ ಮಾಡೆ ಮರಿಗಳಿಗೆ ನೆಲೆ
ಎಲ್ಲಿಂದ ಕಲಿತೆ? ಪೋಷಣೆಯಿಂದ
ನುಣುಚಿಕೊಳ್ಳುವ ಕಲೆ?
ನಿನ್ನ ಸೋಮಾರಿ ಎನ್ನಲೆ?

-

ಗುಲಾಬಿಯ ಅಂದದ ಸೊಗಸು
ಅದು ಪ್ರಕೃತಿ ಸತ್ಯ!..
ಅದರ ಚಿರವಿರಹ ಗೀತೆ-ಭಗ್ನ ಕನಸು
ಅದು ನಿತ್ಯ ಸತ್ಯ!.

-