Bas pratiksha hai uss kshan ki mujhe,
Jab wo apne vikaaron ka tyaag kar sake...

Bhaya, Krodh, Swarth, Ghrina aur Irshya se pare,
Mujhe aur mere prem ko samajh sake...

-

Tu bas bolkar to dekh,
Main teri khatir pura jahaan mana loon...

Aa ab bas aagosh me le le,
Main bhi muskurana chahta hoon...

Warna ashq to itne hain,
Ikkathe karu to khud ka samundar bana doon...

-

20 saal ki zindagi me,
Khud ke liye ek hi to khwaab dekha hai...

To janaab aapne socha bhi kaise,
Use haqiqat me badalne se rok legi duniya...

-

Bhavishya ka dar nahi mujhe,
Na hi logon ke taano ki fikr hai...

Sach kya hai main janta hu,
Aur tum bhi janti ho...

Kal bhi tha, aaj bhi hai aur kal bhi rahega,
Ye jo mujhe tumse anant-akhand prem hai...

-

Kuch khusiyaan itni anmol hoti hain,
Jindagi ki qeemat par bhi hasil nahi hoti...

-

Zindagi guzri,
Waqt laga,

Tab kahi jakar,
Ye tazurba hua,

Dusro ko sametne se jyada,
Khud ko sametne me taqleef hoti hai.

-

Suno,

Ye moh nahi hai mera,
Jo kshan me bhangur ho jaye...

Ye prem hai mera,
Jo samay ke ant tak chalta jaye...

-

Qismat tumhe bada ghumaan hai na,
Tu chahe to khwabon ko adhura hi rakhega...

Par ye vaada hai,

Koshish aur shiddat dekh kar meri,
Tu khud hi unhe pura karega...

-

Maana hum zindagi,
Apni hi sharton par jite hain...

Par koi to honi chahiye,
Ladkhadane par sambhalne ke liye...

-

A promise🤝

Ye wada hai
Main tera tha,
Main tera hoon,
Main tera hi rahunga👫

-