ಮುಳುಗುವ ನೇಸರನಾಗುವ ಕಡಲನ್ನು ಒಂದು ಕ್ಷಣ ಬೆಳಗುವ ಹಣತೆ
ಹಾಗೆ ನಮ್ಮ ಒಳ್ಳೆತನವು ಇರಲಿ ನಿಷ್ಕಲ್ಮಶ ಮನದ ಜೊತೆ

-

ಆ ನೆನಪಾಗಿದೆ ನಗುವ ಹೂವೇ
ನೀ ಎಂದಿಗೂ ನನ್ನೊಲವಿನ ಚೆಲುವೆ
ನಿನಗೆ ಬೇಕಾಗಿಲ್ಲ ಚಿನ್ನದ ಒಡವೆ
ಆದರೆ ನನಗೆ ನಿನ್ನದೇ ಗೊಡವೆ

-

ಆದರೆ ಸಮಯದ ನೆನಪುಗಳ ನೆನೆದಾಗ ಕಣ್ಣಲ್ಲಿ ತುಂಬುವುದು ಕಣ್ಣೀರೆಲ್ಲ
ಜೀವನವು ಒಂದು ಕಷ್ಟ ಸುಖಗಳ ಬೇವು ಬೆಲ್ಲ
ಬಂದ ಸಮಯದೊಂದಿಗೆ ನಡೆದು ಸಾಗುವುದು ನಮ್ಮ ಧರ್ಮವೆಲ್ಲ

-

ನೋಯಿಸದಿರು
ಮನವೇ
ನೊಂದು ಬೆಂದು
ಸುಸ್ತಾಗಿರುವೆ
ತಿರಸ್ಕರಿಸದಿರು
ಮನವೇ
ಅವಮಾನಗಳ
ಸಹಿಸಿ ಬಳಲಿರುವೆ
ಮಾತುಗಳ
ನಿಲ್ಲಿಸದಿರು ಮನವೇ
ಆ ಮಾತುಗಳ
ಕೇಳಲು ಕಾದಿರುವೆ
ಕಣ್ಣಿಂದ ಮರೆಯಾಗದಿರು
ಮನವೇ
ನಿನ್ನೇ ನೋಡಲು
ಸದಾ ಸಂಭ್ರಮಿಸುವೆ

-

ನೆನಪುಗಳ ಸಂತೆಯಲ್ಲಿ ಪಯಣ ಹಿತವಾಗಿದೆ
ಯಾರಿಗೂ ನೋವು ಕೊಡದೆ ಸಾಗಬೇಕಾಗಿದೆ
ಇದೇ ಬದುಕಿಗೆ ಶಾಶ್ವತ ಪರಿಹಾರವಾಗಿದೆ

-

ಸಂಕಷ್ಟಹರ ಚತುರ್ಥಿಯ ಶುಭಾಶಯಗಳು

ಗಣಪ ನಿನ್ನ ಭಜಿಸುವುದು ನಮಗೆ ಬಲು ಇಷ್ಟ
ನಿನ್ನ ನಂಬಿ ನಡೆದರೆ ನಮಗೆ ಅದೃಷ್ಟ
ನಿನ್ನ ಪೂಜೆಯು ದಿನವೂ ಬಹಳ ವಿಶಿಷ್ಟ
ಅಪ್ಪ ಸೇವೆ, ಪಂಚಕಜ್ಜಾಯವೇ ನಿನಗಿಷ್ಟ
ಕಳೆದು ಬಿಡು ನೀ ನಮ್ಮ ಬದುಕಿನ ಸಂಕಷ್ಟ

-

ಹೇಳಿ ತಪ್ಪಾಯ್ತು ಅನಿಸಿತು
ಒಮ್ಮೊಮ್ಮೆ ಮನಸ್ಸಿಗೆ ತಾತ್ಸಾರ
ಮೂಡುವಂತಾಯ್ತು
ಸ್ವಾಭಿಮಾನದ ಬದುಕಿಗೆ
ತುಂಬಾ ನೋವಾಯಿತು
ಈ ಬದುಕು ಬರೀ
ಏರಿಳಿತದ ಅಲೆಯಾಯ್ತು
ಅತಿಯಾದ ಆತ್ಮವಿಶ್ವಾಸಕ್ಕೆ
ಕಣ್ಣೀರೇ ಜೊತೆಯಾಯ್ತು

-

ಮುಸ್ಸಂಜೆಯ ಬಾನಲಿ
ಮೂಡಣ ದಿಕ್ಕಿನಲಿ
ಕಿತ್ತಳೆ ಬಣ್ಣದ ಚಿತ್ತಾರ ಮೂಡಿತಿಂದು
ಏನೋ ಅದ್ಭುತ ಒಂದು ಕ್ಷಣದಲಿ
ಮಾಯವಾಗಿ ವಿಸ್ಮಯ ಮನದಲಿ

-

ಸಂಬಂಧವೆಂದರೆ ಹೃದಯದರಮನೆಯೊಳಗೆ
ಹಣ,ಆಭರಣ,ಅಂತಸ್ತಿನ ಅಲಂಕಾರ
ಆದರೆ ಸ್ನೇಹವೆಂದರೆ ಹೃದಯ ಕಳಸದೊಳಗೆ
ಜೇನ ಸಿಹಿಯ ಝೇಂಕಾರ

-

ಹಾಯ್ಕುಗಳು (ರಾಮನಭಂಟ)
•••••••••••••♥••••••••••••••
೧.ರಾಮನಭಂಟ
ಹನುಮನ ನೆನೆದು
ಕಾರ್ಯ ಸಿದ್ಧಿಯು

೨.ರಾಮನಭಂಟ
ಹನುಮನು ಲಂಕೆಯ
ದಹಿಸಿದನು

-